Сүүлийн хэд хоногийн паян

За шархүү минь харьж ирээд хамаг ажлаа амжуулаад, бидэн хоёр нь их л урамтай энэ боллоо за одоо энийг гээд хуримын бэлтгэл ажилд ханцуй шамлан орсон бөлгөө..
Энэ нь түрүү долоо хоногт л доо.


Крийсмасаар ажилласных гээд түрүүний 4дөхийн өдөрийг өнжин хүлээж байж чөлөө аваад, шархүүтэйгээ дагалдаад хурим хийх газар луугаа явлаа. Өдөржин хоёр гурван хүнтэй уулзаж, сонголт хийж, хоолны цэс уух зүйлсийн жагсаалт гээд тун завгүй өнгөрөөсөн хоёр орой болоход сайхан далайн хоол идье гэж сүйт бүсгүй гоншгосны хүчинд далайн хоолны газар луу хөтлөлцөөд гарч одовоо.


Очлоо суулаа, түм бужигнасан газрын нэг буланд суудал заалгаж суугаад өдрийн алжаал амжилтыг тэмдэглэж ганц хундага вино захиалж аваад /энэ нь миний ойрд уугаагүй амттан болохоор их баясгалантай/ хоол захиалав. Далайн хоолны газар орчоод над шиг тахиа захиалдаг хүн байх боловуу, гэхдээ бас яаж хоосон байхав гээд crab захиалсан юм. Тэр нь 200гр нэг чөрийсөн хөл ихэнх нь яс, хагалж хугалж идэх нь их л зугаатай.


Би өмнө нь яг crab бол идэж байгаагүй л дээ. Lobster, crayfish этэр бол идэж байсан юм.


Хоолоо идлээ амттан захиалах гэснээ за дэмий юм дагуу даа бас дэглэм дасгал гээд өөрийгөө зовоож байж гээд тэгсгээд тэндээс ховхров.


Буудал руу алхаж явсан бие тавгүйрхээд нэг л биш өдрийн халуунд ядарсан уу яав гэж хэлэлцээд ороод будаа... За тэр хэсгийг бичээд яахав, гэхдээ түргэн дуудаж түргэнээр аялсаар яаралтай тусламжинд очиж хоолой руугаа эм цацуулж, шинжилгээ өгч 7 цаг яаралтайгийн өрөөнд хэвтсэний эцэст за одоо аюулгүй болсон та crabны харшилтай байх тун өндөр магадлалтай тийм учраас тест тавиулаарай, бас shellfish идэх гээд хэрэггүй биз дээ хэсэгтээ, болж өгвөл насаараа идэхгүй байсан ч зүгээр. Ингэж хурц харшил өгөх нь амь насанд аюултай гэвээ.


Манай шархүү чинь хөдөлмөр хамгааллын хүн байхгүй юу, яг намайг пааниктаад хоолой ам хавдаж хөөгөөд амьдрал нүдний өмнүүр жирэлзэх үед, хичнээн тайван байж, тэр нь намайг бас бага ч болтугай тайвшруулж байлаа. Хайртай хүндээ талархаж явдаг зүйл өдөр тутам тохиолддог ч энэ удаад бас л сэтгэлийг минь сэвсийлгэж, хөвсийлгөж одоо би нь үүлэн дунд л суужий ш дээ. Илүү хайртай болсон доо яг...


Ингээд үүний дараагаас одоо хүртэл чихний ард дотор загатнаастай яг л ногооны харшил хөдөлсөн аятай.


Гэхдээ бид хоёр бас зүгээр байсангүй ээ, 6дахь өдрийн орой гарч халти боулингдаад. Хаха манай хүн ээмр хөөрхөн, тэр бөмбөгөө явуулчаад ардаас нь өөрөө хажуу тийшээ яваад байгаан, чиглэлийг нь засах гээд хаха. Тэрийг нь харж шоолж инээж баахан хожиж өгөөд гарч ирсэн.


Амьдрал буцалсаар, хөвөрсөөр ингээд шархүү буцаад ажилдаа би ажилдаа, нар бороо хоёр ээлжилсэн зуны энэ өдөр би нь хайрын дуугаа аяланхан л суужийна даа.