Хаагуур юу хийгээд яваа тухай болон бас бус

За ингээд шинэ он гараад эхний сар нь бараг дундаа орчдог байжээ.
Төөрөөд хоцорсон хүн шиг учраа олохоо байсан юм шиг 3 сар өнгөрчээ.
Шинэ жил зул сар гээд христийн оронд төрж өссөн нөхрөөсөө илүү догдолж хөөрч хүсэн хүлээдэг өмнөх жилүүдийн дэргэд туйлын нам тайван ямар нэгэн тэмдэглэлэт үйл явдалгүй сар болоод өнгөрсөн.

Тийм ч болохоороо энэ Whole 30 гээд нэг диетийг нөхөртэйгөө цуг бариад өнөөдрөөр дусч байна. Энэ дэглэмийн тухай өмнө нь 17 онд нэг халти барихдаа бичиж байсан. Халти гэсний учир нь бид хоёр 6 хоноод бууж өгөөд буцаад иддэг уудаг зүйлсээ идээд ууцан болохоор тэр.

Харин энэ удаад яг барилаа өнөөдөр 30 дахь өдөр нь. Энэ удаад бас барьж чадсан онцлог нь төмсийг зөвшөөрсөн байна, өмнө нь төмс болохгүй гээд байсан юм. Ингээд бид хоёр

- Гурил гурилан бүтээгдэхүүн
- Шош шар буурцаг гэх мэт үүнд тофү, цуу, эрдэнэшиш гэх мэт орно
- Цагаан бор будаа, каш
- Архи согтууруулах ундаа
- Ямар нэгэн чихэр, чиклаад, үүнд лаазтай бүтээгдэхүүнд чихэр орсон байвал илэхгүй гэсэн үг
- Сүү сүүн бүтээгдэхүүн манай шархүүд энэ их хэцүү байсан бяслагт дуртай хүн л дээ
 зэргийг 30 хоног идсэнгүй.

Голлож идсэн зүйлс гэвэл өндөгийг янз бүрээр, их ногоо, самар, мах загас л идлээ.
Гарна гэсэн үр дүнгүүд бүгд гарч байгаа, тураад байгаа надад 2ч тураад өмсчинө гээд авцан палааж байна тэд маань таарч байгаа, нүүр царай шингэрээд сайхан болж байна, нойрондоо сайн болсон. Вино үгүйлээд байхаа больсон байна, өглөө сэрэхэд толгой тархи манараа байхгүй цовоо сэргэлэн  гэх мэт.

Гэхдээ 30 хоноод дуусахдаа бас нөгөө хассан хоолнуудаа эвтэйхнээр дэс дараатай буцааж хоол хүнсэндээ оруулж эхлэх хэрэгтэй ч бидэн хоёр нь 32 дох хоног буюу нөгөөдөр Дубай явлаа, энэ харин жаахан бүтэхгүй зүйл болсон, очоод уяанаас алдуурсан ноход шиг идэж уугаад яваад өгөх вий хэмээн санаа зовж л байна, гэхдээ хуримын нэг жилийн ойн үеэр хоюулаа завгүй одоо л боломж гарч байгаа учир ийнхүү явах гээд шийдчээд байгаам л даа. Тэгээд одоо тэр хугацаандаа мах өндөг ногоо түүж идээд дарс пийвээ багахан шиг ууж иднэ гэсэн төлөвлөгөөтэй гэхдээ бдит байдал хэрхэхийг тэнгэр мэдсүгэй л гээд явахаас.

Өөрөөр ч нэг их сонин зүйлгүй дээ. Их л гүйж байна, иогад яваад дууссан одоо гэртээ л сунгалт хийх гээд гудсан дээрээ хүүхдийн пооз авч хэдэн ч минут хамаагүй суудаг болсон. Энэ зун их халуун байна, 2 сард Монгол явдаг юм билүү гэж бодож байснаа болилоо. 7 8 сар луу л нэг халти явахаас. Тэгээд ч одоо энэ хол газраас амжихгүй байна гээд ээжийгээ амьд байхад очдоггүй байсан байж юундаа ч тэгэх билээ гээд өөрийгөө зэмлээд л сууж байна. Ирнэ дээ гээд хүлээж суудаг цор ганц эрдэнэ минь үгүй шүү дээ. Захиж үлдээсэн уул усандаа л очих байх даа.