Call your mom and tell her you love them, my friends.

https://m.youtube.com/watch?v=4GW5KSy5SNk

https://m.youtube.com/watch?v=4GW5KSy5SNk

11 сар

Пээ нээрээ ард урдаа орж хөглөрсөөр явтал 11сар гараад бараг дуусч байх юм.
Энэ жил нээрээ аягүй биттэр-свийт маягийн жил байнаа гэж дөнгөж сая бодогдов. Хийж амжуулсан зүйд ихтэй мөртлөө хорвоод хосгүй ганц сайхан үнэт зүйлээ алдсан болохоор харамсал туйлдаа хүрсэн жил байлаа.

Гэснээс би таанууст хэлж байлуу, манай эгч чинь ээжийг аягүй сайн асарч тойрч эргэж байдаг байсан юм. Мань хүн тэнд аягүй их өнчирч байгаа харагдаад байх юм. Нэг ийшээгээ авчрах л санаатай. Тэндээс холдуулж бас сэтгэлийг нь нэг өргөж өгөх сөн гэж бодогдох...

Ажил гэр хоёрын хооронд сажилсаар. Дэлхий эргэж би дээр нь өнхөрч амьдрал үргэлжилсээр. Нээрээ вийкэндээр иогад явж эхэлсэн. Пээ би чинь тэс хөндлөн хөшцөн амьтан гэдгээ одоо л мэджий ш дээ. Манай багш Күүтаа доошоо доошоо гэхээр багшаа энэ чинь хамгийн доодол нь оо гэх жишээний. Бас арай луу. Хүмүүс чинь ямар ч гоё уян хатан ен. Нугараал нураал явчихийн.

12 Сар гарлаа даа. Үнэндээ л арай л хурдануу?

Амьдрал үргэлжилдэг хэдий ч...

Зөндөө олон зүйлийг тандаа хэлээгүй, хэлж амжаагүй, үзүүлж амжаагүй л явсан даа ээжээ. Хаа нэгтээ сэтгэлийг тань зовоож, хэнэггүйтэж, гомдоож л явсан тэнэг хүүхэд, тэнэг охиндоо хир халдаадаггүй, хэзээ ч өвдөж байсан ч утсаар ярих бүрт минь санаа нь зовно гээд инээдээ л бариад сууж байдаг асан таныгаа би хичнээн их санана вэ.

Таныг минь аваад явчихсан байхад, та минь эзгүйд орчлонгийн нар нэг л янзаараа мандаж амьдрал тэр хэвээрээ үргэлжилэхэд би гомдоод байна. Гомдлоо гомдлоо гэхдээ би өөрөө өөртөө л хамгийн ихээр гомдоод байна. Нутагтаа арай олон очих байж, хуримаа Монголд хийх байж, ээжийгээ өвдөхөөс өмнө арай л олон газар үзүүлэх байж, аавыг өнгөрсөнөөс хойш ээждээ арай л илүү анхаарал хандуулах байж гэж бодогдоод л байх юм.

Тэр нэгэн улс руу аялнаа гэж хэлэхэд минь ээж минь гэв гэнэт уйлж билээ, саяхан л даа, ээжээ яаваа яагаад уйлж байгаа юм бэ? битгий санаа зов, айх аюулгүй гэж инээгээд өнгөрснөөс биш өнөөдөр надад санаа зовоод хаа нэг тийшээ явахад минь наайг сайн яваасай гэж үнэн зүрхнээсээ хүсэх цор ганц хүн минь ингээд яваад өгөхөд л би ээжийнхээ хайраар туйлж халгиж цалгиж явснаа ойлгох шиг.

Хэдэн хүүхэддээ зөндөө хайраа асгаж, ачилж явсан ээжээ та минь хариулж баршгүй буянтан билээ.

Тандаа хайртай даа охин чинь. Ухаангүй болчихлоо гээд намайг энэ тэнэг холын газраас уйлж дуулсаар очих өдөр минь та ухаан орж наддаа бүхэл бүтэн долоо хоногийг бэлэглэсэнд тандаа талархаад баршгүй нь ээ. Хүн болгон л надад чи азтай шүү гэж хэлээд байгаа ч хэрвээ би үнэхэр азтайбайсан бол яг л таны өнгөрөхийн өмнөх өдрийн өглөө эмч тань бидэнд хэлж байсан шиг хоюулаа хагас бүтнээ өнгөрөөгөөд л нэгдэхээс бараг гэртээ гарах байсан даа тиймээ. Ганцхан би ч чиш бусад үх хүүхдүүд тань ач зээ тань, хэдэн дүү нар тань бүгд л азтай байх байсан тиймээ.

Харуусал харамсал л үлддэг юм байна гэхдээ таныхаа хайртай охин байсандаа би азтайгаас азтай охин шүү ээжээ.

;(

Хол ойрын дайд ч унсэж уддэг ээжийн минь
Хорвоо даашгуй хайртай залбирал дутлаа надад
 Алс одоход минь сайныг хусэж цацалсан
Амин даалттай eruuliig нь дахин сонсохгуйгээ ухаарлаа.
Яаран яаран очдоггуй тэнэг охиныг тань зэмлэхдээ
Яруу намрын уурээр хаврын жихуу унэртуулж
Нутгийн тэнгэр намайг гашуун бороогоор удэхэд
Нандигнаж омоордог ээжийнхээ суун цацалгуй жиндлээ дээ
Буцаад очих одроос зурх минь эмээгээд байна
Баруун хацрыг минь унсэх ээжийн минь уруул алга байна
Холоо одчихсон ээждээ зуудээ ч ярьж амжихгуй
Хааяа хааяа бас ээжэрээ бардаж эрхлэхгуй нь дээ.

Хорвоогийн жамыг хэрхэх билээ ээжээ
Хар нуураа ширгэтэл уйлаад ч яах билээ ааваа
Зун зуны туруу хунгийн цуваа эргэх тоолонд
Зулзаган насандаа та хоертоо ханатал эрхэлсэндээ бардам амьдарнаа.

Хайртай

Намайг хулээнэ гэсэн. Би нь  энэ тэнэг холын газраас яарч л явна ээжээ.

Намайг эргээд ирэхэд зуун хацрыг унсэнэ гэсн дээ. Та амласан даа. Тэнгэр ээж минь уучил тэнэг охиноо. Очиж яваа. Та минь л хулээгээрэй ээжээ.

Dinner idea

Нээрээ ингэсэн. Найз зочилж ирээд Сайхан хоолоор дайлдаг хэрэг гээд дайрсан. Хэхэ. 

Эхлээд тахианы мах машиндаад сонгино сармис цагаан гаатай холиод хэдэн банш хийгэд тавьчлаа. Дараа нь чоризо нэг годгорыг тосонд хуураад бэлдчлээ. 

Баншаа жигнэхээр тавьлаа. 

Дараа нь цагаан моогийг сармисанд хуурч 5 минут хэртэй болгоод дээрээс нь зоохий cream хийж буцалгаад. Тэгээл сайхан банш чоризогоо дээрээс нь хийгээд халти пор хийгээд гаргасан. 

Амттай болсон байна лээ. Одоо ханьдаа очихдоо бас хийнээ. 

Миний гарын хоол гээл уу. 

Нээх гоё тийм мэдрэмж

Гоё тээ, нээх гоё хийх гээд л улайраад байсан зүйлээ хийгээд дууссаны дараах мэдрэмж нээх гоё тээ.


За даа тоохгүй ч байгаамуу даа гээл бодоод байсан хүмүүс, бялуу бариал цуглаж ирээл баяр хүргээл тойроол зогсжаах үе бас гоё тээ.


Их баярлалаа зөндөө зүйл зааж сургаж өглөө гээл гар барих тэр агшин бас л гоё тээ.


Надад лав их гоё санагдаад байдийн.


***


Өнөөдөр их гоё өдөр байлаа, хамт олондоо ч их баярлалаа, нээх сонин уурхайн эрчүүд голдуу болохоор бүдүүн бараг талдаа ч нэг сэтгэл гаргахаараа нээх хөөрхөн ш дээ манайхан чинь. Нөгөө муу залуу хүртэл ам хамхихгүй инээж ярьж хөөрөв. Баярласандаа тэвэрч авч уйлах шахлаа ш дээ.


***


Нээх гоё өдөр байна өө, үүл нүүж бороо шаагисан ч гэлээ, хавар цаг ирж байгаам болохоор салхи нь хүртэл тйим зөөлөн, нөгөө нарны охин чинь арай л урвачихгүй л уяраад зогсжийно оо.


***


Нээх гоё өдөрийг үргэлжлүүлээд орой винодоё гэж манай гоёхон охидууд өдөөд байна, нээх гоё үдэш рүү явнаа.

Хаа нэгтээ

***
Өдөр шөнөгүй хэлхэлдэж орж гарсан ч хамтдаа, ганц тамхиа хувааж татдаг асан тэр найзаасаа нүүр буруулалцаад нэжгээд жилийг үдсэн сэн.


Хаа нэгтээ чи минь дуугаа дуулаад л, орчлонгийн бүх эрчүүд зөрөн өнгөрөх бүртээ чамд минь дурласан тухай, үдшийн бүрэнхий хүртэл айлын хархүүтэй хамтдаа зугаалсан тухай, хартай хүүхнүүд ядаргаатай байдаг тухай, хөгийн гэхээргүй зүйл хичнээн инээдтэй тухай хэн нэгэнд ярвж л зогсоо юм болов уу даа.  Туяхан биеэрээ туяарсан үзэсгэлэнгээрээ орчлонг шагнаад л, гудамж чимээд л, өндөр өсгийт дээрээ чи минь дуу сонсоод л гунхаж л яваа даа.


***
Анхны хайр, анхны үнсэлт,ахиад олдохгүй нандин бүхнээ өгсөн арван жилийн хөвгүүн минь чи хаа нэгтээ өөрийн зохиосон дуугаа гитарын хөгтэй уянгалуулж охидыг биш үрсдээ бүүвэйн дуу аялж л суугаа байх даа. Хоргүй ч гэлээ хавийн нэгнийг шоглочихоод л, хөөрхөн алаг нүд чинь буурь сууж томоожоод, олоон жил ханилсан сайхан гэргийгээ аргаданхан их хотынхоо гудмаар алхаж л яваа байх даа. Цагаахан сэтгэлээр хаа нэгтээ онгироод л, цаад нэгнийхээ нүдэнд жаахан томорч харагдах гээд л, сэм сэмхэн над руу харц чулуудаж зогссон насан багын чинь төрх хамтдаа л явдаг байх даа...




***
Арван жилдээ танаас хэрсүү ухаан сурах гэж, аа бас нэгтээ тархиа эргүүттэл загнуулах гэж, үе үехэн намайг алаг үздэгийг тань анзаарахгүй гэж зөндөө олон дагаж байж хэдэн сургамж, тоо бодох арга заалгаж байсан алаг нүдэн багш минь. Хөөрхөн ганц хүүгээ өөхөнд ороохоос илүү хайрлаж, дүрлэгэр алаг нүдээрээ жаахан мууг нь хялам хийчэхээд, ганган охидын хичээлийг гараас нь хөтөлж хийлгэдэг сэн тэр хэвээрээ яваа боловуу та. Зэвүүн үгийг харамгүй шидчихээд, цөхөрсөндөө уйлсан намайг ангиас хөөн гаргаж байсан тэр зангаа тэр жилтэй цуг мартчихаад, тооны ухаанаа ардын хүүхүүдэд заагаад л торомгор нүдээрээ орчлонг шагнаж л яваа байх даа та.


Хачин өдөр байна, хамгийн дурсмааргүй хүмүүсийн тухай бодогдов.

"Арчаагүй эмэгтэй"

Би өөрийгөө бусад зарим нэг хүмүүс нүүр тулан уулзвал яг тэгж харагдана гэдгээ мэддэг.
Үнэндээ яагаад вэ гэхээр би өглөө 4 цагт босч нүүрээ будаад гарахыг бус 4 хагас хүртэл унтаад чийгшүүлэх тос нарны тос түрхээд гарахыг илүүд үздэг болохоор тэр. Гэхдээ энэ бол би өөрийгөө өмгөөлөөд байгаа хэрэг л дээ, би үнэндээ л залхуу, Монголд байхдаа оофист ажилладаг байсиймаа хэсэг, тэр үед бас нүүрээ буддаг байлаа байлаа. Тэгээд энд ирснээс хойш нэг л мэдэхэд өглөөдөө нойроо харамлаад ингээд нэг арчаагүй эмэгтэй л болчихоод байна.


Одоо бол хагас бүтнээр гадуур гарч орохдоо л нүүрээ будаж янз бүр болохоос хэтрэхгүй тэгсэн мөртлөө гоо сайхны бүтээгдэхүүн цуглуулах хообийтой, хэрэглэж ч үзээгүй байж янз бүрээр нь чирээд ирнэ, нөгөөдүүлээ задлаад нэг хэрэглээд мөддөө хэрэглэхгүй тэгж ингэж явсаар хаягдаад дуусна.


Одооноос эхлээд туршлага судалж, зөвлөгөө цуглуулж эхлэнээ. Хэрхэн яаж цэвэрхэн буддаг арчаатай болох вэ гээд.


Сүүлдэээ залхуурсаараан байгаад эв дүйгүй болоод байх шиг байнаа. Сая хагас бүтнээр нүүрээ будаад нөгөө хувцасаа өмсөөд гарсийм, бас л аятайхан мэдрэмж шүү тиймээ, одоо хурдан зун болоосой сая худалдаж авсан палаажнуудаа өмсөөд намирмаар л байна. Дээрээс нь юүтүүбээс нүүр будалтын бичлэгүүд олж даган дуурайхад өөрийгөө дайчлана гэж бодоостой. Амжихгүй л юм даа.  Амжуулдаг болноо чамайг, бас байнга гадаа гүйсээр байгаад сэвхтэж борлосон нүүрээ арчлахыг л нэг үзүүлээд өгье. 11 сард ээждээ очихдоо арчаатай охин очноо.

Ингээд байвал яаж байна.

Гээл тэгдийн. Ингэсийн би түрүүний хагассайнд очиж шүдээ үзүүлсийн, жилийн үзлэгээ хийлгэж байгаан, тэгсэн жаахан жаахан засвар хэрэгтэй гэсийм угаасаа тэгдийн. Тэгээд за хийлгүүлэе гэсийм ноднин өдийд бас шүдээ янзлуулахад 1000 давсан дойлуур төлсөн гэж хэлжээсэн дээ. Бас л тийм болно гээл тэгж байна.


Тэгээд засвар тордлогоо хийлгэчээд касс дээр нь очоод төлбөрөө хийх гэсэн харин Соутерн Кроссын даатгалтай биш биз гэнээ тэр хөөрхөн ресепшэн бүсгүй. Би шууд л байгаа шүү дээ гэсэн алив өг дөө буцаалт авч магадгүй шалгаад өгье гэлээ.


Шалгуулсан юу гэсэн гээч, 750 дойлуур хөнгөлж байна даа гэнээ. Би тэгсэн ноднин тэрийгээ аваагүй өнгөрсөн байгаам даа. үйлчилгээ эмчилгээ хийснээс хойш сарын дотор хүсэлтээ гаргахгүй бол буцаалт орж ирдэггүй учраас өмнөхүүд бол дашин шог болжээ.


Тэгээд гэртээ хариад юу юу хөнгөлж байна вэ гэсэн нүдний шил бол нүдний үзлэг хийлгэсэн тохиолдолд жилд нэг удаа 500 дойлуур хүртэл хөнгөлнө гэжэээ. Одоо би нь амтшаад хагассайн өдөр нүдний эмнэлэгт цаг авчихсан байвал ямар байна.


Өмнөх компанид байхад эрүүл мэндийн даатгалыг компаниас төлдөг байлаа. Тэр үедээ ч ашиглаагүй. Одоо энд өөрөө төлдөг сард 100 гаруй дойлуур төлөөд байдаг юм. Тийм болохоор ингэж буцаалт авна гэдэг чинь зөндөө юм байхгүй юу тээ.


Аан энд ажил хийж байгаа хүн бүр аюул ослын даатгал заавал төлдөг юм. Тэднийх харин миний тэр түргэн дуудаж явсан төлбөрийг төлсөн байсан. Тэгэхгүй бол байнгын оршин суугчид нь бас 90 билүү дойлуур төлөх ёстой байдаг болохоор.


Гэснээс Бусан хот руу явах ажилтай болсон Яг хэзээ гэдгээ мэдэхгүй. зөвлөгөө байвал өгөөрэй хүмүүсээ. Бас Солонгост сурч байгаа хүүхдүүдэд илгээмж явуулахад хэр байдаг болоо очдог боловуу очих л байх даа тиймээ уг нь.

Сайхан арьстай байхын нууц ба Күүтаагийн үнэн нүүр

1. Ядаж 7 цаг унтдаг бай өдөрт /Яг даа л болдийм доо, орой явсаар байтал 10 өнгөрчиж байгаан, өглөө 4:30 гээл босохгүй бол ажлаас хоцрох нь гэж хурдан давхих хэрэг гарна. /
2. Нарнаас байнга хамгаал /за уг нь хамгаалаал байх шиг байгаан худлаа ч байж магад. Ядаж л аймаар нартайд бол уйлж дуулаад ч хамаагүй гэртээ гүйнэ/
3. Тайвширч өөртөө цаг гарган, стрессээс салах ямар нэг аргатай бай /Гүйгээд л/
4. Чийгшүүлэгч байнга хэрэглэ. /Би нь Клиникийн шар тосыг түрхээд байгаа их гоё чийгшүүлнэ. Бас Шишиедод дуртай энэ зөв бичсэн үгүйг би мэдэхгүй ээ/
5. Хамгийн багадаа долоо хоногтоо 5 удаа өдөрт 30 минутыг ямар нэг байдлаар дасгал сургуулилт хийж байвал сайн гэжж. /Би ч энэ тал дээр гайгүй шүү./
6. Нүүрээ орой болгон угаа /За бүү мэдээ би ч залхуу хүн дээ/
7. Хэт их чихэрлэг зүйлсээс татгалз. /Энийг би ч чи ч уншаагүй болно./
8. Нүүрэндээ зөөлөн ханд /No comment/
9. Тамхи бүү тат. /Гарсаан, гараад би их баяртай байгаа/
10. Янз бүрийн ийм ч сайн тийм ч сайн гэсэн зүйлийг нүүрэндээ турших хэрэггүй гэнээ. Аяа миний нүүр ч ёстой туршилтын туулай болсий шүү нэг хэсэг ч.
11. Нүүрээр гарсан зүйлийг битгий шах. /Мэдэхгүй ээ/
12. Ус сайн уу. Ёох за ганц хийдэг юм гарч ирж байна/

Хагас бүтэн сайнаар

Саяны хагас бүтэн сайныг жинхэнэ утгаар нь өөртөө зориулав.

5 дахийн орой хүнсний маркетаар орж хүнс цуглуулахдаа өөртөө цэцэг худалдан авахаас эхэлсэн.

Өнгөлөг гоё цэцэг аваад тавьчихаар хичнээн аятайхан байдаг гээч. Даанч өдөртөө гэртээ байж харж баясаж амжихгүй гээд тэр болгон аваад байдаггүй юм аа. Сая аваад зургий нь аваад шархүүдээ үзүүлсэн чинь "Is this a hint?" гэнээ хахах. Үгүй ээ л гэсэн. Саяхан төрсөдөр болоход баахан цэцэгс авч явуулсан байсан юм чинь, хинт хинт гэх арай болоогүй л дээ хэхэ.

Гэртээ гоё үнэртэй лаа асааж, өндөр өсгийтөө углаад, гарынхаа хуруу хумсыг янзалж өөртөө жаахан анхаарал тавив. Гелэн лаак түрхсээр байгаад хумснууд минь надад гомдоод хугарч унаад хэрэг алга. 

Тэгсэн нээрээ саяхан бас хамаагүй их гелээр хумсаа будуулж UV туяагаар байнга шаруулах нь хавдар үүсгэхэд нөлөөлдөг болохыг судалгаагаар харуулжээ гэнээ. Болихоос одоо, энгийн паакаар л будуулаад бүрррррр нэг онцгой үед л гелээр будуулж байя гэж бодлоо.

Хагассайнд найзуудтайгаа өдрийн хоол идсэн, нэг нь жирмээ юм аа, ээмр хөөрхөөн, 2 сар хэртэй болоод төрөхийн, хүүтэй болно гээд нөгөөх маань бөөн баяр л явна. Тэр хэдтэй уулзаж хоол идэж хэсэг суулаа. Шотландаас ирсний дараа би чинь детокс хийж байгаа ш дээ гэж хэлээд пийв ч вино ч уусангүй. Энэ пийв гэхдээ аягүй гоё детокс дуусахаар авч уумз..

Бас дэлгүүр хэсээд номын дэлгүүр орж баахан ном гарчигласан, энэ зураг гэхдээ нэлээн хэдэн долоо хоногийн өмнө авсан зураг байна. Хааяа ингэж номын дэлгүүр орж өөд уруугүй ном харж явахад дажгүй шүү, хоёр ном авсан юм байна. Хоюулаа mystery зохиолууд. 

 

Би уг нь 10 км ийг нэг цагт гүйчдийн, түрүүчийн долоо хоногт нэлээн гүйсэн ч гэсэн ням гаригт үнэндээ л амбан явсангүй, гүйлтийн зам дээр уйтгартай байдаг болоод ч тэрүү би бүр тархиа захирч чадахгүй бүр аргаа барааад алхаж гүйж алхаж гүй янз бүр болж байж арай гэж 9 км л гүйлээ. Хааяа ядарсан үед ингээд идэвхигүй болноо гэжугаа. Ийм үедээ бол ёстой арай өөр юм хийж гадуур ихэнхдээ гүйж байж л motivation оо олж авахгүй бол. Burn out болчвол хэдэн сар халшраад хэцүү. 

 

 

 Гэх мэтчилэн тун чиг завгүй вийкэнд дуусаад ингээд Даваа гариг гээд дуугаа дуулаад хүрээд ирэхиймаа. Өдөр хоног арай л хурдан, гэтэл вийкэнд бүр дэндүү хурдан урсаал алга болчихиймаа.

Жингээ хасмаар

Жин хасах 10 топ зөвлөгөө

1. Хэрхэн жин хасах талаар өөрийн итгэдэг эх сурвалжаас мэдээлэл цуглуулахаас эхлэнэ. Тэрнээс ам дамжсан байцааны шөл мөл бол түр зуурын арга байх нь.
2. Өдөр тутмынхаа идэх зүйлсийн хэмжээг боломжийн хэрээр төлөвлө. Калорийн хэмжээ эсвэл яг порцын хэмжээ аль нь байж болох нь ээ.
3. За тэгээд яг хэдэн кг-ыг хэр хугацаанд хаях вэ гэдгээ тодорхой төлөвлөж зорилго тавих юм байна шүү.
4. Хоол ундаа бэлдээд эсвэл эртнээс төлөвлөөд за тэрийг тэр цагт иднэ гээд бэлдэх нь бас сайн гэнэ. Хэт өлссөн үедээ хажуугийн гуанз руу ороол хуушуур авч идээд байвал амбан явахгүй нээ.
5. Төлөвлөгөөнд ороогүй хоол хүнсний зүйлийг гэртээ хадгалахгүй байвал зүгээр, ууттай боов, чипс гэх мэт зүйлс гэрт байвал хивээд байдаг над шиг хүнд зориулсан бололтой.
6. Ямар нэгэн юм идмээр санагдах,  бүр талх л идэхгүй л бол болохгүй санагдах эсвэл хуушуур л идмээр санагдах үе байдаг тээ тэгээл идчдэг, тийм үед яах вэ гэдгээ бас төлөвлө гэжээ, энэ бол миний үнэндээ л ганц дайсан. Би заримдаа бүр бүтэн шоколад аваад дор нь идээд дуусчихна шүү дээ. Ямар арга хэмжээ авах вэ гэжүү, өөртэйгөө ярилц, ус уу, бохь зажил тэгээд аймаар дур хүсэл чинь намдаад ирэхийг чи өөрөө анзаарна гэнээ.
7. Арай бага тослогтой бага өөхтэй эсвэл бага сахар агуулсан зүйлсийг жирийн үед хэрэглэдэг хүнсний зүйлийнхээ оронд хэрэглээд үз. Ундаа уугаад байдаг бол усаар соль. Гэснээс би нэг хэсэг кола л уудаг байсан ш дээ, жаахан ч байж, ай ямар азаар одоо ус уудийн.
8. Юу идээд байгаагаа бас мэдэж бай гэнээ. Зарим хүмүүс тэмдэглэл хөтөлдөг.
9. Жингээ тогтмол үзэж бай гэж байна, би ч бараг үздэггүйм дөө, за энэ болохоо байлаа шүү энэ өмд яагаад бариад байна л гэж мэддэгийн. Хэхэ
10. За тэгээд үерхэлдээ үнэнч байж тууштай байх арга бодож олох хэрэгтэй юм байна. Хүссэн үр дүндээ хүрвэл бас өөрийгөө хөөрхөн урамшуулаад дээр очоод өмсөж үзээд таараагүй даашинзаа авах ч юмуу. Гэснээс би 6 жилийн өмнө нэг аягүй гоё даашинз олоод өмсөөд үзсэн миний размернаас нэг бага байсны тураад өмсөнө гэж аваад үнэндээ л өмсөөгүй ш дээ. Сая эгчийгээ ирэхэд эгчдээ өгсөн. Аймаар уу?

Энэ зөвлөгөөнүүдэд өлсөнө гэж үг байхгүй шүү, эрүүл зөв л хооллох хэрэгтэй. Тэрнээс би үүгээр өлсөж тур гэж зөвлөсөнгүй тэдэн цагаас хойш хоол идэж болохгүй гэж тулгасангүй. Үнэндээ бол хүн зарцуулж буй энергээсээ илүү идээд байвал тэр нь илүүдэл жин болооод хадгалагдаад байдаг. Тийм учраас идэж уух хөдөлгөөнөө л зохицуулах хэрэгтэй гэдгийг хүн бүр мэддэг болж байгаа байх. Эх сурвалж нь http.theconversation.com

Юу ч алгаа...

Сонин хачин, илүү дутуу юмгүй дээ хөө.

Ингэхэд яагаад хүмүүс бие биенээ шүүмжлэхийн донтой болцийм бээ...

Жишээ 1:

Найз: Чи одоо яагаад чигчий хуруундаа бөгж зүүдийн муухай ш дээ, авч хаявал таарна..

Би: Үгүй ээ анх жаахан байхдаа олсон жаахан мөнгөө баруун солгойгүй үрээд цалингаас цалингийн хооронд хүрч амжихгүй үедээ мөнгөө тогтоох гэж зүүгээд бүр дасал болоод чигчий эзгүйрээд аягүй хэцүү. Зүүхгүй байж чадахаа байсан.

Найз: Тэгээд мөнгө чинь тогтсон уу

Би: үгүй л боловуу гэж боджийно.

Найз: тээр шал дэмий зүүхээ боль

Би: Зааа

Би зүүсэн хэвээрээ....

 

Жишээ2:

Найзууд: Нүдэндээ давхраа хийлгэсэн, нүүр амаа татуулсан, янз бүрийн шивээс хийлгэсэн хүмүүс муухай баба

Би: Үгүй ээ яадийм дээ, Би шивээстэй тэгээд яахын.

Найзууд: Заваарсийн арилгуул

Би: Айгаад чадахгүй...

 

Жишээ 3:

Хүмүүс: Ёооё энэ Монголчууд нээрээ больчикээчээ, байнга юу байна юу ч байхгүй гээл гуйлгачин шиг мэндэлж явахын.

Би: Юу байнаа найзаа. Юмгүй тайван даа найзаа....

гэх мэтчилэн.

Гэснээс монголоор дүүрэн ижил хүйстэнүүдийг үзэн ядсан хүмүүс, овоо гайгүймүү гэж бодож явсан хүн хүртэл "Дээр үед ийм хачин заваан юмыг сонирхсон эр хүн байвал сар адуу мануулаад л эрүүл болгоод авдаг байсан, хүүхдүүд дуурайгаад заваараад байна" гэх мэтчилэнгээр авч өгчээ. Энэ бол хүүхэд залуучууд саваагүйтэж дуурайдаг моод бол огтоос биш, хүний бэлгийн чиг хандлагаас шалтгаалдаг эд юм. энэ хүмүүс маяглаж дальчиганасандаа ижил хүйстэнээ сонирхоод байгаа ч хэрэг бас биш юм.

Homophobia буюу ижил хүйстэнүүдийг үзэн ядагчаар дүүрэн л байна Нүүр ном нээрээ, гэхдээ далдын далд байсан нууц хаалттай нийгэмд өдийг хүрсэн эдгээр хүмүүс энэ үетэй гарцаагүй тулгарах бөгөөд энэ үеийг даван туулнаа, харин бага хөөрөгдөж, олон түмний толгойд өөрийн өчүүхэн бодлоо бага нялзааж, тэднийг бага турхираасай гэсэндээ л бичиж байна. Тэгэхгүй бол Монгол шиг иргэний эрх уландаа гишгэгдсэн газар цөөнхийн хохь болоод хүний амь үрэгдэх вий, тийм болохоор энэ жагсаал цуглаанаа болж өгвөл олон хүнтэй хийж, эдгээр хүмүүсийг хамгаалах зоригтой хүмүүс байгаасай даа.

Энэ хүний эрхийг л хамгаалдаг хуулиа чангалмаар, гудманд явж байгаал зодоод унагаачихдаг л баймааргүй. Яалтай ч юм дээ.._.

Эгэлээс эгэл гоё өглөө

Эгэлээс гэхэд эгшиг гээгдэхиймүү гүүмүү? зөв бичгийн дүрмээ мартцан л явжаах болтоймаа.


Шөнөжин тэнэг юм шиг хар дарж хэдэн ч удаа сэрэв бүү мэд. Ганцаараа олон хоноод ирэхээр аймхай болоод байдиймаа.  Тэгээл хар дараад байдаг шиг ээ, тэрнээс биш тэр орой болсон хойно амаа олохгүй идсэн арав таван буузны буруу гэж ердөө ч байхгүй.


Гэхдээ тэгээд өглөө харин бас зүүдлээд эрт сэрсөө. Ойрдоо гүйгээд байгаа болохоор идэшээ дийлэхгүй байгаа шүү, тэрнээс турах төлөвлөгөө хэвээрээ л байгаа.


Одоо энд чинь өдөр уртсаад яаг замдаа зогсоол аяга коофий авчаал гарч ирэхэд үүр цайгаал тэгээл гоё өдөр эхэлчиж байх нь.


Гоё өдөр байна өө, ямар ч онцгой үйл явдалгүй зүгээр л нэг хоёр дахь өдөр хэдий ч, нээх гоё санагддаг нартай өдрүүдийн нэг байна.


За орой очиж тэмдэглэнээ, тэмдэглэхдээ гүйж тэмдэглэдэг болсон. Орой нэг 5 км гүйгээд тэмдэглэчий.


За таануус өдрөө сайхан өнгрөөгөөрэй. Гэснээс Ина Ван минь хаана яваан бол доо.

Хүн нь муухай

Арай л уу? Гоёхон байх гэж хичээгээд болохгүй юу? Үл тоомсорлосон хажиг, их зантай бардам байлаа гээд яах билээ? Юундаа хүнээс илүү мэт авирлана вэ чи?


Чи хэдийгээр өөрийгөө тэнгэрт буй мэт төсөөлөвч хөл чинь газраа л байдгийг мартав уу?
Тэр дэнхэр толгойгоо даахгүй болохоор чинь ингээд тэнгэр газар хоёрын дунд их зангаараа дүүжлэгдсэнээ мэдээд одоо бууж ирээ.


Хүнтэй хүн шиг хүндэтгэлтэй харьцаж чадахгүй бол ядахдаа дуугай байж бай, угаасаа чиний хэлсэн онгироо үгс хэнд ч хэрэггүй гэдгийг мэдэхгүй юу?


Хүн чинь муухай санагдаад байна, би л чамд хэлнэ шүү дээ өөр хэн хэлэхгүй...

Зүүд дамнаж үүл хүлэглэсээр өнөөдрөө олохгүй...

Сав саарал тэнгэр
Хов хоосон сэтгэл
Чамд очих гэж яарахдаа
Өнөөдрийг мартаж амьдрана...


Үргэлж л хаа нэг тийшээ
Яарч тэмүүлж догдолно
Үс сэгсгэр төрхөө толиноос хайлаа ч
Үнэндээ өнөөдрөөс би өөрийгөө олохгүй


За сайхан зун хурдан болоосой, зав гаргаж тийшээ л явах юм шүү, за 3 долоо хоног хурдан дуусаасай, шархүү минь ирвэл хамтдаа сайхан байх юм шүү, за 10 сар хурдан гараасай ижийдээ очих юм шүү, за нөгөөдөр хурдан болоосой хагас бүтнээр жаахан юм амжуулах юм шүү...


Хайшаа ингэтлээ яараад өнөөдрийгөө мартаад байна вэ? хэрхэн яаж өнөөдөртөө үлдэх аргад суралцах вэ.


Өнөөдөр минь хаачваа?
Үнэндээ би хайгаад олохгүй
Өчигдөрийн гоё дурсамж тэгээд дуусчихлаа, дахиад  л давтаж бодоод л, эсвэл үнэндээ хэдэн зурагийн ажил, тоон дунд төөрөлдөөд өнөөдөр минь урсаад алга болчихно... Өглөөхөн орж ирээд хуралд бэлдэж суусан, яг одоо хурлаас гаргасан баахан даалгаварыг нухаад л сууж байх, надад яг одоо минь баригдахгүй, маргаашийг хэзээ ч юм тэр ирээдүйн хоногийг хүлээх хүлээлт минь саарахгүй, өчигдөрийн дурсамжиндаа хөлөө алдахаа мартахгүй. Жаргаад яваа хэрнээ өнөөдрөө хаана гээчихээд байдаг вэ.


Өчигдөрийн бүхэн санаанд тодхон хэдий ч, маргаашийн бүхэн сарвайхад хүрмээр ойрхон ч өнөөдрөөсөө л учиргүй хол амьдрах шиг...

6 жил

Зургаан жилийн тэртээ ажлын санал авч виз мдүүлээд бүхэл бүтэн 2 сар хүлээсний эцэст бүх зүйл ногоон гэрлээр явж, шинэ ажлаас онгоцны билетээ гардан авч байсан жаргалтай зун цаг байсан сан.


Харь холын хүний газар луу явнаа гээд шийдчихсэн, өөрийн гэх хэдэн ном, хувцас /тэр нь тэгээд уурхайн голдуу/, ганц хуучин компүүтэрээ чирээд, өөрийн амьдралаа 2хон чумдаанд багтааж хийгээд Шинэ Зеланд гэдэг улсын тухай огтоос мэдлэггүй шахуу гарч ээждээ үнсүүлээд ниссэнээс хойш даруй 6 жил өнгөрсөн байх юм.


Сайхан дурсамжийг бүтээж буй суугуул орондоо талархая юу.

Хаа нэгтээ гоёлоо зүүмээр

Хааяа ч гэлээ даашинзаа углаад дэгэж дэрвэж гүймээр, хаа нэгтээ ээмгээ сэлгэж өөрийнхөө хөөрхнийг мэдэрмээр. Үнэтэй цайтай загварлаг биш ч гэлээ өөртөө тохирсон хөөрхөн ягаан даашинзаа өмсөж зүүд баригчийн хэлбэртэй ээмэгтэйгээ зүүгээд, хуримаараа аваад дахиж өмсөөгүй өндөр өсгийтөө углаад л нар сар бороо салхины алинд ч хамаагүй гараад гунхмаар...


Нэмж бас нүүрээ будаад, үсээ буржийлгаад, уруулаа өнгөлж сормуус наагаад алхмаар байна.
Нарны шингэх туяаны өмнө гараа алдалж зогсоод, нөхрийгөө миний зургийг дар даа гэж зуун удаа хэлмээр, салхинд дэрвэх сормуусны үзүүрт сайхан инээмсэглэл наачихаад, нүдээ аньж бүхнийг хоромхон зуур мартмаар байна.


Зуны үдшийг үнэрлэж, шувуудын жиргээнд согтох гэж, өндөр өсгийттэй чигээрээ уулын модоор зугаалмаар байна.


Эсвэл зүгээр л газар хэвтчихээд үүлтэй ханьсаж бас аальгүйтэж, Жин Вигморын Хагассайны инээмсэглэлийг (Gin Wigmore - Saturday Smile) сонсмоор, сэтгэлтэйгээ цуг шувуудыг дагаж үүлэн дунд хөвмөөр байна.


Би солонго сандайлж наранд хуруугаа дүрмээр... Алтлаг хуруутай болчихоод саа цацартал бүжиглэмээр байна...

Бид үнэндээ яах ёстой вэ?

Цэл залуухан сайхан хүний эрдэнэт амь тэгээд шилтэй цэнхэрээс амсаж галзуу бар шиг болсон нэгнийхээ гарт үрэгдэхийг бид харлаа.


Бид нээрээ яах ёстой вэ. Ажлын байран дээр архидан согтуурч, төрийн ордондоо хүртэл архидаж галзуурдаг энэ тогтсон хэвшлийг хэрхэх ёстой вэ?


Бидэнд тохиохгүй, бид баригдахгүй, бид тэгж зодолдохгүй гээд л нууж хааж уугаад сууж байгаа энэ хулгайн зангаа хэзээ болих вэ?


Хүмүүс яагаад юм уншихгүй, нүүр ном, мэдээллийн хэдэн сайтын сэтгэгдлийн хэсэгт галзуурахаас өөр зүйл хийхгүй байна вэ?


Энэ хариуцлагагүй, архичин нийгмийн энэ үеийнхнийг үхэж дууссаны дараа шинэ үе нь арай дээр байх болов уу гээд горьдоод сууж байх уу?


Миний эргэн тойрны мэддэг таньдаг хүмүүсийн төрийн байгууллагуудад ажилладаг хүмүүс ихэвчлэн гадаад дотоодод сурч төгссөн хүмүүс байдаг. Тэд яагаад шинэ зүйл санаачлахгүй буцаж очоод дундаа ороод архидаад яваан бэ?


Хэн юм хийгээд байна вэ? өөрчлөлт гарч байна уу? Надад хэлээд өгөх хүн байна уу?


Хулгар чихтэй бөхчүүдээ дагаж намирахаа болимоор байнаа, хийж бүтээх гээд яваа залуустаа дэмжлэг үзүүлмээр байнаа, захын наймаанаас хөлжсөн нэгнийг хэт тахин шүтэхээ болимоор байнаа.


Би үнэндээ хэлж мэдэхгүй юм байна. Үнэндээ яах ч ёстой юм бэ дээ. Өр зүрх л өвдөөд байх юм.


Тулга тойрсон хэрүүлээ болиод ном уншвал яасан юм бэ, Оюу Толгойгоос хэдэн төгрөг ирээд наалдах боловуу гээд хэрүүл хийгээд явахаа болиод ажил төрлийг нь хийлгээчээ.

Ээж минь

Миний жаахан буурал эжий минь. Үнэндээ бол буурал бишээ, сайхан хар гэзэгтэй цоглог бүсгүй бий.


Хаа ганц бие нь өвдлөө гэж сонсоод хийж чаддаг зүйл минь утсаар ярьж яав ийв гэж сандчихаас хэтрэхгүй намайгаа " Гүү тэгээд одоо хаа газар айлын хүн болсон хүн ажил төрлөө сайн хийгээд, биеэ сайн мэдээд, сайн л явбал болоо доо" гэдэг л юм ижий минь.


Гэхдээ л бас намайг хажуудаа байж бараа болсон бол гэж боддог бололтой хаа нэг гомдол цухалзуулах хэдий ч дороо мартчихаад сонини сайхан яриад л тэр ингэжээ энэ ингэжээ гээд л хол ойрыг өгүүлж суудаг юм даа миний сайхан ижий.


Өнөөдөр аавыгаа санаад зөндөө гунигласнаа би чинь эжийтэйгээ хүн ингэж сүүмийхгүй ээ гэж бодогдоод бас бодоод байсан ээждээ зориулж нэг их бичдэггүй санагдлаа.


Бүсгүй хүн цагаан зээр хоёр нутаггүй гэж сагсуураад гүйгээд явчихсан сэгсгэр охиноо хүлээж, сайн сайхныг ерөөж суудаг ганцхан эжий минь. Уулга алдаж таныгаа дуудаж хичнээн удаа өөртөө аз авчирсан юм билээ хэлж мэдэхгүй юм даа ээжээ.


Зөндөө их хайртай ч зүүдэлэхээс хэтрэхгүй яваа охиноо хүлээж л суугаарай ээжээ. Удахгүй л гүйгээд очно доо.

Аавыгаа санахуй

Нэг л намар миний л ижил залуу явсан аав минь...


Цэл залуухан хорвоо дэлхий, хайртай хань хэдэн бор үрсээ орхиод одсон өдрөөс тань хойш зөндөө олон намар уйлж инээж, дуулж хөөрдөж ирж буцсан ч гэлээ, таныгаа санах сэтгэл минь элэгдэж хоргодохгүй юм даа...


Та минь харж л суугаа даа. Таныгаа одоход хөлөө олоогүй, эмээлийн ганзага бүү хэл тохомны хормойд хүрэхгүй үлдсэн бага хүү чинь одоо зөндөө том залуу болоод өөрөө аав болчихсон ханхалзаж яваа.


Сахилгагүй, дэлчгэр шар охин чинь харин дуншиж дуншиж айлын хүн болсоон. Та минь мэдээд л байсан байгаа юм, энэ дэлчгэр шардаа л санаа зовох юм бусад нь ч тоохгүй ээ гэж ээжтэй хөөрөлддөг байхдаа л мэддэг байж. Сүүл мушгисан ч охин нь одоо айлын гэргий болж намба суусаан. Гэхдээ л та минь байсан бол, үүнийг ч үзүүлсэн бол түүгээр ч дайлсан бол гэж харамсаад л явах юм даа.


Таныгаа бодохоор зөндөө гоё дурсамжтай ч сэтгэл хүндрээд энэ л үүлээ даахгүй мэлмэрэх тэнгэр шиг л сууж байна өнөөдөр.


Охин нь тандаа хайртай даа.

Нүдний зовхи татаад өө

Яагаад вэ гэжүү, өнөө орой уйлах болохоор тэр. Яагаад уйлах вэ гэж үү, бүхэл бүтэн 6 долоо хоног гарсан ч орсон ч цугтаа хэлхэлдсэний эцэст шархүү ажилдаа өнөөдөр явж байгаа болохоор тэрээ.


Өглөө намайг ажилдаа гарахад үүдэн дээрээ кофегоо уунгаа, хайртай шүү, удкүү уулзанаа гэж гар далласаар хоцорсон тэр минь оройдоо намайг очихоос өмнө явчихсан байна. Хамт байхаараа эрхэлж, бооссдож, янз бүр болдог ч явахаар нь өр зүрх өм цөм л явахиймаа нээрээ. Бидэн хоёр ингэж ирдэг явдаг ажилтай анхнаасаа л ийм байсан, яваад өгөхөд нь сурциймөө гээд дуу дуулаад сууж байж л амжихгүймаа нээрээ.


Гэхдээ одоо энэ хэсэг хугацааг би юунд зориулах гэж байгаа вэ?


Саяны амралтаар идэж ууж биеэ нөөцөлсөний хүчинд олж авсан хэдэн кг үнэтэй жингээ хасах зорилготой. Төлөвлөгөө байгаа юу, байгаа. Ямар?


Хоолны поорцон дээр л хамаг анхаарлаа хандуулна. Өлсөөд байна гээд идээд байдгаа болино, марафоны бэлтгэл тасарсан байсныг үргэлжлүүлнэ. 6 долоо хоногийн дараа Шархүүдээ очихдоо 3-5 кг яс хассан байнаа гэсэн төлөвлөгөөтэй. тэгэхээр долоо хоногтоо 0,8 кг хасаад байвал бараг л болчинодоо. Маргаашнаас эхэлж гүйгээд дараагийн 2 дахь өдрөөс нөгөө Тап оут гээд програмаа үргэлжлүүлнэ.
За тэгээд харж байя аа.

Өөртөө

Өөртөө сануулж хэдэн үг бичмээр санагдаад аа.


1. Хэзээ ч юм би их л гэнэн байсан санагддаг юм. Юм үзээгүй юм шиг баярлаж, гайхалтай өөрийн хэмжээнээс хэтэрсэн газар орох, эсвэл гоё ном авах, хаа нэгтээ нисэх, эсвэл зүгээр л зөв хэлбэртэй зөв өнгөтэй навч олохдоо хүртэл баярладаг байж.
Одоо бол мэдэхгүй ээ, гоё амт амтлаад амт мэдрэхээ байж, гоё газар ороод орчноо мэдрэхээ байж, хүүхэд шиг хөөрч баярладагаа больж, цэцэг бэлгэнд аваад тойрч бүжиглэхээ больж.


Өнөөдрөөс эхлээд бүхнийг шинээр үзэж шинээр авч байгаа мэт аашлаад үзье. Буцаад хүүхэд болохгүй ч, баярлаж догдолдог мэдрэмжээ авч амжина гэдэгтээ итгэлтэй байгаа шүү.


2. Анх ажилд орж байсан өдрөө бүх зүйлийг махран хийгээд л, өөд уруугүй алхаж элс ухаад л, энэ яах вэ тэр яах вэ гээд л асуулт асуугаад л халтайгаад явж байснаа мартаж. Уул уурхайд олон жил болоод тийм сониуч бас юм мэдэх гэсэн эрмэлзэл бас багасаа юу? Анх уурхайд очихдоо өндөр өсгийттэй оччихоод шоолуулж байсан үедээ буцаж очих минь үгүй ч энэ ажилдаа анх орж байсан шигээ л ажилдаа хандаж эхлэх минь.


3. Ханьдаа хайртай шүү гэдгээ өдөр болгон хэлж байх. Хайртай гэдгээ хэлдэг үүнийгээ хэзээ ч болихгүй ээ. Энэ бол арай амар юм байна, миний шархүү чинь хайрлахад гүү мөн амар хүн юм байгаан.


4. Ямар нэгэн шалтгаангүйгээр хүмүүст сайхан хандаж инээмсэглэж байх. Би ч уг нь энэ тал дээр гайгүй л дээ. Гэхдээ хүмүүсийн талаар сайн сайхныг л бодож байя.


5. Өөрчлөлтийг инээд алдаад тосож авах. Би энэ тал дээр жаахан муу талдаа. Нэг хэвийн гольдрол хэв маягнаасаа салах дургүй гэж хэлсэн дээ. Одоо бол хичээгээд алгаа тосоод хүлээж авнаа.

Board games

За ийм хөлөгт тоглоомонд орсоон. Сая тийшээ явахдаа гэрийнхэнтэй нь хэд хонохдоо оройдоо нэг Cluedo юмуу Descent гээд тоглоомуудаар тоглоод байсан надад их таалагдаад. Тэгээд манай нөхөр чинь өөрөө зөндөө олон хөлөгт тоглоомтой энд байхдаа тоглоё гээд гуйдаг би залхуу залхуу гээд байдаг байсан бол одоо би тоглоё гэж гуйдаг болсон.... Хаха.


Cluedo нь 3 аас дээш хүмүүс гэмт хэрэг хаана гарсан, хэн үйлдсэн юугаар үйлдсэн гэдгийг таах тааврын тоглоом юм байна. Harry Potter ийн Cluedo байна лээ. Game of Throne бас байсан шүү. Аягүй зугаатай.


Descent болохоор мангасууд дайснуудтай байлдан quest давах зорилготой. Янз бүрийн чадвартай янз бүрийн авюяастай баатрууд байна. Шоо хаяал арга таакчигаа зохиогоол дайсны цэргүүдтэй байлдаал явж өгч байгаамаа. Бодоод л төлөвлөөд л сүйд болж байгаам чинь.


Хүүхдүүдтэйгээ тогловол их зүгээр санагдсан. Аа бас Monopoly цаана чинь кредит кард уншдаг гарчээ. Аягүй амар болсон байна, цаасан мөнгө тоолоод байхгүй. Тэрийг баахан тоглосон шүү бас.

Би аймаар хөөрхөн найзтай

Миний хөөрхөн найз миний төрсөн өдрөөр баглаа лиш цэцэг бялуу хоёр аваад ээж дээр минь очсон байгаам даа. Ээж сая хөдөө яваад даараад бие нь жаахан тавгүйрхээд эмнэлэгт хэвтсэн байсан юм. Тэгээд би найздаа ийм үед л ээжийгээ дэргэд нь байсан бол гээд санах юм даа гэж ярьж байсны маргааш миний төрсөн өдөр боллоо.


Тэгээд үдээс хойш ээж гэнэт залгаад охиндоо төрсөн өдрийн мэнд хүргэе гээд ярихад нь сонслоо. Би бүр энд баярлаад хөл газар хүрэхгүй ойрхон байсан бол очоод үнсээд авмаар санагдаад баярлалаа гэдгээс илүү гарахгүй ч талархсан сэтгэлдээ халуу шатаад л сууж байна.


Ийм хөөрхөн найз охинтой байна гэдэг тээ нээрээ. Би ч азтай туучий шүү.


Ээж бас бүр хөөрөөд " Г орж ирээд гарсан чинь миний муу бор охин орж ирээд гарах шиг санагдаад ээж нь уйлаад " гэж байна. Би уг нь эмнэлэгээс гарсан хойно нь цэцгийн баглаа захиалая даа гээд хүлээж байсан юм. Лиш цэцэгний үнэр гэж бас л гоё шүү тиймээ.


Төрсөн өдөр сайхан болсоон. Найз минь ээжийг минь баярлуулсан болохоор.

Өөрчлөлт

Зөндөө том өөрчлөлт хийхээр хань ижилтэйгээ харилцан зөвшилцөөд, шийдвэр гаргачихлаа.
Дассан сурсан зүйлээ өөрчлөнө гэхээр жаахан харамсах сэтгэл төрөөд, айдастай ч юм шиг мэдрэмж намайг зовоогоод биш гэхдээ л гэгэлзүүлээд байдаг нь юуных вэ.


Би гэдэг хүн нэгэн хэвийн эргэлдэж байхдаа дуртай, танил гольдролд дасахдаа амархан, өөрчлөлт тэр бүр хийгээд байдаггүй болохоор яагаад ч юм бие эсвэл оршихуйнхаа нэгээхэн хэсгийг алдах юм шиг мэдрэмж төрөөд байх юм.


Гэхдээ л шинэ бүхэн сонин содон байх болохоор баяртай л байлгүй яахав.


Амжилт бүтээлээр дүүрэн байнаа гэж итгэж байгаа шүү. Күүтаа минь урагшаа хараад л гүйгээд байж дээ.


Амьдрал бол төөрдөг байшин, олон салаа замын аль нэгийг сонгоод л үргэлжлээд л байх агаад салаа замын эхэн дээр ирээд дассан сурсан замаа дагаад алхах уу шинэ өөр замаар яваад үзэхүү гээд сонголт бүхэн тулгардаг л юм байна.

Наагуур цаагуур

За сонин сайхан бичих гэсэн Зомбий төрхөөсөө салж хагацаж чадахгүй бөөн юм болжийноо.
Энд үүрээр буугаад гэртээ ирээд хоюулаа уг нь ихүү идэвхитэй за хоюулаа орой 7 болтол гүрийнэ шүү гээд тэгсэн байхгүй 4 гээд хоёр талд нам нам унацгаасан байсан. Тэгээд шөнө 2 цагт сэрээд унтаж ччаддаггүй ээ, би ажилдаа очно гэсэн байсан мөртлөө за энэ бүтэхгүйм байна гээд ажилдаа утсаар хэлчихээд маргааш нь за хоюулаа ядаж 8 хүргэнэ шүү гээд ярьж байсан байхгүй, би 5 гээд нам унтаад өгсөн нэг сэрсэн шөнийн 12 болжаахад сэрээд босоод мөөгний зутан шөл мөл хийгээд манарч явж явж үүрээр 4 цагт орондоо ороод 5 цагт сэрээд одоо ажил дээрээ хариугүй уналаа гээд сууж байна. Ажил тарах хаа байсан юм бэ, арай л байна уу? Үдийн цайны цагаар хэрэгтэй хэрэггүй юм уншаад нойр хүрээд бхйаар нь ороод ирлээ.


Ингэж сэнсэрдэг хүмүүс байна уу над шиг? Англид оччоод 7 хоног үүрээр 4 цагт боссон ёстой салж унах гэж байсан шүү. Одоо энд битгий л 7 хоног тэгээсэй л гээд сууж байна.


Шархүү минь ажилдаа 5нд явна тэр болтол нь бас жаахан эрхлээд авах санаатай. Маргааш ажилд ирэхгүй амарч таарч байгаа болохоор уг нь амар л даа. Манайхан намайг санасан л гэнэ шүү, би ч өөдөөс нь санаагүй ээ би та нарыг харин ганц хайрцаг Thornton's авчирсан гээд л сууж байна. Нэг шил виски уг нь авчирсийн гэхдээ бараг өөрөө гэртээ хадгалчдиймуу гээд бодоод байгаа ш дээ. Тэгээд орж гарсанд нь амсуулаад болно биз дээ гээл.


Өөр тэгээд харин сэгсийтэл шоппинг л хийлээ, хүний шунал хичнээн их юм бэ. хаха. Улиралын хямдрал гээд зуны хувцас хямдраад дээрээс нь манай нутагт чинь олигтой шооппинг байхгүй гэж хэлж байсан даа тийм болохоор энэ ч хэрэгтэй тэр ч гоё гэж авсаар байгаал таарлаа.


Замдаа Катар улсын Дохад түр буусан юм, пээ ямар ядаргаатай юм бээ тэнд чинь, 00д ороод гараад ирэхэд л араас ороод цэвэрлээд байхын, хүн бүхний ардаас орж 00 оо цэвэрлэж байна, гоё ч юм уу хэцүү ч юм шиг? Би бүр өмнөөс нь ядарчихын билээ, гэхдээ цэвэрхэн гэж юу гэхүү. Надад л хэцүү санаглсан бусдад бол таатай ч юм билүү.


Нэг тиймэрхүү өнөөдөртөө.

Сайн байцгаана уу?

Миний төрсөн сар гарсан даа гоё доо гээл үү?
Аялалаас эргэн ирсээн, цагийн өөрчлөлтийн нөлөөнд ороод шөнө унтдаггүй өдөр сэрдэггүй Зоомби мааркийн нөхөр байгаа тул мэнд мэдээд, төрсөн сараа зарлаад гарлаа.


Амралт үнэхээр сайхан байсаан дууссанд нь их харамсч байгаа ч, бас мөнгө төгрөгөө хийж ажил төрөлдөө орох болсондоо бас баяртай.


Одоогийн байдлаар дэлхийн хамгийн урт зогсолтгүй нислэг сууж яваад ирлээ, ээ бурхан минь 17 цаг нислэгт хамгийн сайхан ааштай хүн ч муухай ааштай болдог гэдгийг биеэрээ батлаад ирлээ.


Удахгүй тархины хэмжээ тахианыхаас арай томорсон үед орж ирж бичнээ.

Аялалын хамгийн гоё үе

Аялалын хамгийн гоё үе нь хэзээ вэ?


Энэ бол яг явахын өмнөх хэд хоног юм шиг надад санагддаг. Догдлоод л хоног тоолоод л, ханан дээрх хуанли дээр томоос том зураас татаад л.


Очих газрынхаа цаг агаарыг шалгаад л авч явах хувцсаа бэлдээд л, бас очих газрынхаа дэлгүүрүүдийн хаягийг тогтоож, дэлгүүр хэсэх өдрөө товлоод л.


Эдинбургт гүйж хоттой танилцах хөтөлбөр байдаг аж, түүнд бас бүртгүүллээ. Бас тээ, оршин суудаг тэндэхийн хүмүүс илүү гоё газраар дагуулж гүйх байх гэсэн дээ.


Бас эндээс Катар улсын нийслэл хүртэлх 17 цагийн нислэг буюу дэлхийн хамгийн урт зогсолтгүй нислэгээр явах болохоор бас хөөрөөстэй. Гэхдээ ажлаа хийгээд хичээлээ уншаад явна гэсэн зорилготой.


Явлаа даа удахгүй. 3  хоног үлджээ хө.

Сэтгэл хөөрөөд дуу дуулмаар

Гэснээс би багадаа дандаа дуу дуулж явдаг манай эмээ намайг битгий дандаа гиншиж бай гээд загнадаг сан.

5 хоног

За сайхан наадмын сарын мэндийг хүргэе ээ. Хүмүүс сайхан амраад л хөдөө гадаа яваад л зарим сум аймгууд наадмаа хийгээд л, хуушуурын үнэр айргийн сэнгэсэн чимчигнээн, уяаны морьд уяагаа тойрч чавхалзаад л, нар хоргодож шөнөжин мандчих гээд л тун чиг урамтай байгаа байх даа.


Ийм л үед нутгаа гүү мөн их санана шүү дээ. Азтай аавын охин юм болохоор наадмын үеэр цуглуулж ой тоондоо урлаж үлдээсэн зөндөө гоё дурсамжуудтай болохоор надад 7 сар үнэндээ л бөөн дурсамж, догдлол сэргээсэн сар байдаг юм. Харин сүүлийн 6 жилийн турш 7 сарыг өвөлд өнгөрөөгөөд жаахан урамгүй л суугаад байгаа. Хойтонгийн наадмаар хань ижлээ дагуулаад нутагтаа очиж наадмын нээлт үзэж, наранд цохиулж, гоё бөхчүүд харж шүлсээ гоожуулснаа хуушуурын оочирт зогсож нуугаад, шаргал наранд аагтай айрганд халамцмаар санагдаад байх нь юуных вэ.


Ганган дээлээр ижилсэж сурын харваанд цэцээ үзмээр л байна шүү.


Энэ жил харин ашгүй наадмаар амарч таарч байгаа, хуушуураа хийж идээд монгол дуугаа сонсож жаал гиюүрнээ гээд л төлөвлөөстэй.


Ай даа алтанхан наадам минь, цэл ногоохон нутаг минь, жоохон гүзээтэй ч хийморь сэргээсэн сайхан бөхчүүд минь. Гэснээс би нэг бөхөд аймаар дуртай охинтой их сургуульд байхдаа найзалдаг байжулээ. Байнга бөх ярина, бөх хүнтэй л сууна гэнэ, Бөхийн өргөөгөөр л эргэлдэж байна, өөрөө ч бөх төрүүлчмээр өндөр сайхан охин байсан сан. Бөх хүнтэй суусаан дөнгөж их сургуулиа төгсөөд л , нутгийнхаа арслан билүү нэг залуутай суусан, одоо 3 дэрсхэн хүүтэй ёстой л мөрөөдлөөрөө амьдарч яваа бүсгүй. Удахгүй бөх хөвгүүдийнхээ дээлийг бэлдээд л наадмын өглөө хөл газар хүрэхгүй л сууж байх байх даа. Тэр үед хөөрхөн байжээ, бөхчүүдийг харж баясахаас эхнэр нь болно гэж хэзээ ч бодож байгаагүй юм даг миний хувьд гэхдээ л хэсэг найзыгаа дагаж бараа болж явсан явсан.
Гэснээс гарчигандаа хамаатай ганц өгүүлбэр бичие. Явахад 5 хоног үлдэж, пасспорт маань намайгаа зориод л замдаа явж л байгаа даа.

7 хоног

7 хоног үлдчжээ. 5 долоо хоног үлджээ гээд л саяхан л тоолоод сууж байсан санагдах юм гэтэл юу юугүй хаяанд тулаад иржээ гэж. Сэтгэл санаа уже тийшээ явцан энд биенээс цаашгүй бор царай л суужийна ш дээ ер нь бол.


Шотландад цаг агаар дулаахан байгааг харах л тун чиг урамтай. Манай энд ойрдоо чухам л хүйтэн байна шүү дээ. Энд цахилгааны үнэ ерөнхийдөө өндөр талдаа, би чинь одоо ганцаараа алдаг оног байдаг байж л сард 150-200 $ төлдөг юм. Анх ирээд тусдаа гарсны дараа жижиг байшин түрээслэдэг байсан мөртлөө л сарын тогны мөнгө 80-120 $ гарахад нь ухаан алдах шахдаг байлаа. Тэгсэн мөртлөө халуун усаа гаазаар халаадаг тэрний мөнгө гэж бас тусдаа байхад шүү дээ.
Юу вэ гээл амьдрал барзгар санагдаж байгаа юм чинь. Сүүлдээ сурсаан, гэхдээ энд ядаж ус нь үнэгүй, ямар нэгэн байдлаар усны мөнгө гэж төлдөггүй болохоор Австралиас хамаагүй дээр.


Энэ мэт шалтгаанаар Австрали явахыг их л хойшлуулж байна даа. Тэгээд одоо шаардлага бол өдөр ирэх тусам нэмэгдээд байгааг хараад л байгаа. Ядаж энд уул уурхай багатай болохоор ажил бол тийшээх шиг элбэг биш гэх мэт.


Манай офисийн цонх хагарсан байна өнөөдөр ирсэн, сайхан сэрүү татаал сэргэг нь аргагүй л сууж байна даа ер нь бол.


Энэ зунд байгаа халууцаад байгаа хүүхдүүд рүү жаахан цан хүүрэг явуулнаа.

Зүгээр л

Зүгээр л амьдармаар хааяа санагдах.
Би анх оюутны ширээнээс гараад ажилын талбарт хөл тавьснаас хойш хүний урманд зүгээр суугаагүй юм байна. Завсар хооронд нь сургуульд сурч ганц хоёр жил ажлаас завсарлаж байсан хэдий ч сурна гэдэг чинь бас өөрөө ажил болохоор тэгээд амраад явснаа санахгүй байгаа юм.


Харин одоо л нэг амарчмаар айлын гэргийн ажил хиймээр, хоол унд хийж сурмаар, нөхрөө өглөө эрт ажилдаа явахад нь үнсэж үдээд орой ирэхэд нь амттай хоол дулаахан гэртээ угтаж таавчгий нь дөхүүлж пийвийг нь груушкинд хийж өгмөөр ч юм шиг нууцхан хүсэл төрөх болсон нь юуных вэ.


Гэхдээ гэртээ суугаад сар болохгүй тэр хэмнэлийг үзэн ядна гэж мэдээд байгаа л даа, бас дээрээс нь манай нөхөр "аа мэдэхгүй чи ч хоол ундтай угтана гэж юу л бол, орой ажлаасаа ирэхэд аягүй бол өөдөөс өдөржин гэрт суугаад уйдаж үхлээ, алив гарая аваад гар, сайхан газар оруул" гээд л сууж байх даа гээд байгаа. Үнэнийг бол мэдээл хэлээд байгаа байх.


Гэхдээ бас нэг тийм нууцхан хүсэл төрөөд байгаа юм. Энд амалсан хугацаагаа дуусгаад харин хаашдаа нүүхээс хойш шинэ газраа очоод дасаж байна гэх далимаар даруй хэдэн сар амрана гэсэн адын бодолтой. Манай нөхөр бол харин эсрэгээрээ ажлаас гарахаас өмнө тэндээ ажлаа олоод очвол найз нөхөдтэй болоход амар гэх юм.


Ойрд жаахан ядарсан чинь бүр илүү бодогдсон. 6 сарын дараа юу болох нуу харж л байя даа тиймээ.

7 банштай цай

Сайхан банштай цай чанаж уулаа ш дээ өчигдөр. Өнөө өглөө босоод ирсэн бие арай дээрдсэн маягтай. Тэгэхээр нь ажил руугаа гараад шидчихлээ. Ажил ихтэй бас дээрээс нь дараа долоо хоногоос амрах болохоор бас хүлээлгэж өгөх явахаас өмнө амжуулах зүйл гээд ердийн үеэс яалт ч үгүй л илүү ажлаар даруулчих юм.


Бас явах бэлтгэлээ базаана л гээд байсан хагас бүтэн сайнд хийнэ дээ гэж хөөрөгдөж явсаар хийсэн зүйлгүй л тулгачихлаа.


Шархүү л намайг авч явах юмнуудаа баглаарай бүр болохгүй бол тэр дэлгээд тавьсан чумдаан байгаа тэрийг чиглүүлээд шидээд байгаарай л гэсэн. Энэ вийкэндээр л бүгдий нь бөөгнүүлж байгаал чиглүүлээд шидчихээс. Тэгээд эр нөхөр өөрөө баглана биз гэхгүй юу.
Гэхдээ би юм хум баглахдаа дандаа тус тусад нь уутанд хийж баглах дуртай. Манай шархүү Чи, чиний уутнууд нээрээ намайг галзууруулах нь ээ л гэдгийн. Би чинь тэгж уутанд хийж багладаг болохоор янз бүрийн уутнуудаа хаяхгүй ээ. Цуглуулаад л байх нь тэр.


За тэр яах вэ, банштай цай гэснээс нээрээ үнэн байх шү энэ 7 ширхэг баншинд их учир начир байгаа. Эсвэл сайхан хонины махаар хуушуур хийгээд халуунаар нь гар хуруугаараа базаж байгаад идвэл бас л сайн гэдэг дээ. Сая Коюукинхаар хэсч явсан нэгэн нэргүй эрхэм витамин сайн ууж бай гэж бичиж үлдээжээ. Би нээрээ тэр нэмэлт витамин эрдэс бүтээгдэхүүн огт хэрэглэддэггүй юм аа, үнэхээр хэрэглэх хэрэгтэй юм боловуу. Мэддэг хүн байвал зөвлөөрэй.

Муухай өдрүүд

Муухай өдрүүд өнгөрсөн гэж найдая.


Бүтэн сайнаас хойш бие өвдөөд ханиад шиг мөртлөө толгой эргээд байдаг юмтай болсоон. Нэгдэхэд ажлаас өвчний чөлөө авч өдөржин гэртээ унтаад өнөөдөр бас за бас арай гайгүй юм болов уу гээд ажилдаа хүрээд ирсийн.


Толгой жаахан жаахан эргээд л явсан юм чих халть шуугиастай, тэгээд замдаа машин дотроо уйлаад ажил дээр ирж 00доо орж уйлаад арай гэж тайвширсан ч өдөржин толгой эргэж, өвдөж халуурч дотор муухайрч өнжив өө.


Манайхан чи яах гэж ирсийн гэх юм, ажилтай хүн яах юм хэвтээд байж чадахгүй юм чинь манай шархүү өдөржин гэртээ харь гэж гуйгаад сүүлдээ бүр аргаа бараад Just do as you are told ONCEгэнээ хаха, тэгээд нөгөөх нь явахгүйм л даа. Одоо харин нэг хуралд суучаад гэр лүүгээ гараад шидчихээс. Орой гэртээ очиж сайхан халуун шөл халааж уугаад унтаад өгье.


Өглөө босоход шал эрүүл болсон байна гэдэгтээ итгэлтэй байгаа.


Нээрээ энэ юуных вэ. Бодоод бодоод бодын шийр 4. Маамуутай бол биш юм байгаан.

6-22

Хүүе ээ анх удаа нисдэг тэргэнд сууж үзэх чинь ямар гоё юм бэ. Сууж үзээгүй хүмүүс байвал сууж үзээрэй.


Анх дээшээ хөөрөхөд нь айгаад нүдээаньчдаг байхгүй юу, тэгээд боджийснааа за ер нь бол 50 минут нүдээ аниад явчихад болохгүй ч юм алга гэж бодсийн.


Тэгсэн л манайхан хүүе ямар гоё харагджийнаа цэлмэг өдөр ингээд гоё шүү гээд байхаар нь сониуч зандаа дийлдээ нүдээ нээцээн.


Тэгээд л өнгөрөө замдаа ганц хоёр салхинд цохиулж донсолсноос өөр ноцтой зүйл болсонгүй. Гоё юм байлээ. Өнөөдөр буцаад ирэхэд бас гоё өдөр байж таараад их азтай байлаа.
Энэ эрчээрээ л өвлийг дайраал өнхөрнөө л гэцэн байгаа. Харин паспорт гардаггүй удаад байдаг юу болоодээнаа.

6-21

Жилийн хамгийн богино өдрийн мэнд хүргэе. Одоо эндээс эхлээд л өдөр уртсаад л нар наашлана гэхээр баяр хүрээд өөртөө баяр хүргэмээр ч юм шиг, эгэлхэн цэнхэр блоогтоо баяр хүргэмээр ч юм шиг, Золбоодоо баяр хүргэмээр ч юм шиг гээл жаал галзуурвал яаж байна.


Гэснээс хоёр өдрийн дотор хамаг зүйл өөрчлөгдөөдөө, нөгөө сургалт чинь хойшлоод дараа долоо хоногт болохоор болонгуут би хуралд яалт ч үгүй явахаар болж таараад ингээд нисдэг тэргэнд суугаад явлаа даа өнөөдөр. Хамаг захиалсан юмаа цуцлах гэж наян таван л юм боллоо. Сургалт хаа байсан өөр хотод болох байсан болохоор буудал, унаа гээд л захиалга өгсөн байсан юм.


Хүйтэн байна ойрдоо, гар хөл байнгын мөс явдаг болсон, ядахад шархүү гэртээ байхад би оройдоо хөл гараа наагаад дулаацдаг бол байхгүй үед нь өглөө үдэшгүй л мөсөн хөл гартай явах боллоо.


Бороо ихтэй байна ойрдоо өглөө үдэш харанхуйд бороотой нойтон замаар явж байхаар гээд уурхайн байшинд хоноод байгаа, аймаар том нисдэг жоом ороод ирцэн явж байсан, тэрийг алах гэж хор бараг бүтэн савыг цацаад өөрөө бараг муужраад унасангүй. Гэхдээ дайснаа дарж дархан цолоо мандуулсан.


Явах ойртоод л байгаа, пасспорт гараагүй л байгаа хаха, би гэхдээ энэ удаад өөрийн бодлогогүйгээс боблж хойшлуулаагүй тул за болох байлгүй гээд санаа уужуу байгаа, манай шархүү л миний өмнөөс түгшээстэй.


За тэгээд маргаашнаас надтай цуг хоног тоолоод өдөр уртасахыг мэдрээд л гүйгээд байя даа хэдүүлээ.

Хэзээ ч билээ...

Чамаас өөр хэн ч үгүй мэт
Чимээнээс өөр ямар ч ханьгүй мэт
Гүн харанхуй шөнөөс гэнэн төрхөө хайж
Гэнэтхэн чамайг зөндөө ихээр санасан


Гуниглаж дуусаад үсээ шидлэн инээмсэглэхдээ
Газар газрын сар нэг л өнгөөр гэрэлтдэгийг
Чамд хэлэхээр яарахдаа цалгиулсан дарсны
Час улаан дусал нулимс шиг дусалсан...


Хэзээ ч билээ чамдаа хэрэг болгож илгээсэн
Хайрын үгтэй захидлыг минь хэнэг ч үгүй базаад шидсэнийг
Хол хожмын дурсамжаас өрөөлөөс олж сонсоод
Хоолойд зангирсан нулимсанд чимээгүйхэн бүдэрсэн...


Уйлж дуусаад хундагаа аваад эргэхэд
Уусан дарсны амт хөнгөхөн дуу аялдаг
Хаана ч билээ чамтай дахин таарахгүй гэсэндээ
Халамцуу орчлонгийн гүн лүү чамайг мартахаар оддогоо...


Хэдээн жилийн өмнө бичиж байж... Өнөөдөр Нүүр ном сануулж гаргаж ирж байна. Хэн нэгэнд онцгойлон зориулаагүй гэдгээ мэдэх юм. Хааяа хааяа нэг гэгэлздэг байсан байгаам хөөрхий одоо ч сэгсийгээд улам л завгүй болоод байх болж.


Завгүй юм шиг атлаа завтай юм шиг амьдрал хөвөрсөөр.. Үүл шиг нүүж, хийсэж зарим хэсэгт нь уйлж наршиж, цэлмэж гэрэлтэж бүүдийж, цэлмэж л яваа өдрүүд минь.


Хоног тоолох уу надтай?
Холын жинд яарах шиг
Хорвоогийн өдрүүдийг урт гэж
Хоосон дурсамжийг бага гэж
Хоног тоолохуу надтай?


Зүгээр л гүйхүү надтай
Маргааш л чи минь ирнэ гэж
Маргаан үгүйгээр үлдэнэ гэж
Зөндөө алс руу тэмүүлнэ гэж
Зүгээр л гүйх үү надтай...


Өнөөдрийг л ганцхан үнэн гэж
Үүнээс илүүгий нь хүлээлтгүй гэж
Ирээдүй рүү яарах хэрэггүй гэж
Илүү үгээр надад цэцэрхэлгүй
Хамтдаа хоног тоолохуу?

Өнөөдрийн өнгө

Онцгүй байлаа, хөөрхөн жаахан дөнгөж 16тай охин цусны хорт хавдар туссан гэсэн мэдээг хүлээж авсан, эмчилгээ нь бас хангалттай болохгүй, үр дүнгээ өгөхгүй байгаа талаар сонсов.


Өдөржин зүрхэн дээр минь хүндээс хүнд туухай тавьсан мэт хоолой бачуураад байх шиг мэдрэмж төрөв.


Аав Ээж нь хөөрхий сайн л явж байгаа юм шиг байна, ямар ч байсан онош бүх зүйлээ тогтоож авсан тул дахин хийлгэх эмчилгээнд нь найдвар тавиад үзнээ гэнэ.


Маш их турж эцээд хэвтрийн дэглэмд орсон ч өнөөх л цоглог хэвээрээ ярьж байна лээ. Чи минь зоригтой шүү, энэ бүхнийг даваад гарнаа. Зөндөө олон хүн даваад гарсанг мэднэ, дуулсан болдог юм гэдгийг бас мэднэ. Найдлагаа л битгий алдаарай бяцхан минь.


Эдгээд хөл дээрээ бүжих өдрийг чинь хүлээж байна шүү...

Гадаад хүнтэй гэрлэх талаар

***Хамгийн эхлээд хэлэхэд би хэн нэгэнд гадаад хүнтэй суу гэж болон тэдний талаар хэрхэн сайхан байгаа талаар хун нэгнийг урхидах болон хэн нэгний толгой тархийг эргүүлэх гээгүй болно.


Үдийн цайгаар хааяа блог дамжаад явахаар сонин сонин юм олж унших юм. Хаа нэгтээ хэн нэгэн Гадаад хүнтэй суусан хүмүүс бол ихэнх нь зөвхөн хөрөнгө мөнгөнд болдог, хөнгөн шингэн амьдрал мөрөөдсөн хоосон толгойтой хөнгөн хүүхнүүд гээд л өөд уруугүй бичсэн байхыг харахаар "Болиочээ чи, амьдралд хэн хэнтэйгээ гэрлэх болон хаанаа амьдрах нь тухайн хүний асуудал чи дургүй байлаа гээд олон хүмүүсийг бөөнд нь хамруулан элдвээр бичих хэрэг байхгүй " гэж хашигрмаар санагддаг.


Гадаад хүн харахаараа л хүүхнүүд л өөрсдөө болж бүтэхгүй өмнө нь гарч унаж хэвтсээр байгаад өөрсдөө эргүүлж гүйж яваад л аваад суучихдаг юм шиг юм ярих юм.
Тэр гадаадууд чинь л өөрсдөө эргүүлж байгаа ч юм билүү чи яаж мэдсийн, өдөр шөнөгүй дагаад цэцэгийн баглаа барьж гүйгээд, болзоонд яваад жирийн л хүмүүс шиг болзож явж байгаад суусан хүмүүсийг яахнуу чи... /Шархүү намайг өдөр шөнөгүй дагаагүй шүү, /


Зөвхөн мөнгөтэй хүнтэй хөнгөн амьдрал харж суудаг гэжээ. Миний мэдэхийн зөндөө олон interracial хосууд хоюулаа ажлаа хийгээд амьдралаа босгоод, үр хүүхдээ өсгөөд амьдраад байгааг хараад байгаа. Монгол хүүхнүүд л газар газарын баячуудтай суучихаад мөнгө төгрөгийг өөд уруугүй цацаад явааг хардаггүй ш дээ. Гэртээ суудаг нь байлаа гэхэд ялгаагүй л үр хүүхдээ өсгөөд л сууцгааж байгаа харагддаг.


Олон хүн сайтай муутай, ой мод урттай богинотой шүү, хэн хэн хаана юу хийж явааг, ямар амьдралаар хэнтэй гэрлэж байгааг мэдэхгүй байж ингээд дайраад байдаг хүмүүс хэцүү.


Надад хүртэл ойр дотныхон эсвэл найз нөхдөөс янз бүрийн л хэл үг сонсож л явлаа. Нөхөртэйгөө авахуулсан зургийн минь доор төрснөөс өөрцгүй үеэл минь " Эгч минь ээ хайран сайхан Монголын минь цусыг гадны хүнтэй холиод" гэх ухааны юм бичсэн байхыг, эрүүлдээ үй зайгүй сайхан найз минь согтчихоод "Чам шиг гадны хүний өвөрт хэвтэж гадаадад амьдраагүй би азтай, тэнд ажил хийгээд байгаа чинь үнэн ч юмуу худал ч юмуу" гэсэн үгийг сонсож байсныг, ажлын газрын залуугаас "Гайгүй хүүхэн юм уу гэсэн чинь бас нэг хоосон толгойтой я байж" гэж сонсож л явлаа.


Үнэндээ би тэр болгонд эмзэглээд байдаггүй ч эндээ бичиж өөрийгөө өмөөрнөө яадийн.
Би монгол найз залуутай байсаан. нэг гэрт ч хэсэг амьдарч үзсэн, эрүүл согтуу аль нь ч хамаагүй уураа хүрэхээр барьж аваад зодчидог хүн байлаа, аймаар зүрхний хилэнтэй, хайртай гэж өөрийгөө хуурч хажуугаас нь салахгүй хэсэг байсан ч нэг айхтар хэвтэрт ортлоо зодуулаад маргааш нь тэднийхээс гараад явж байлаа. Тэр маань ч зөв болсон. Гэхдээ эрүүл уургүй үедээ халамжтай хайртай байсан байсан, манайхан бүгд тийм биш байх, би л явж явж тиймийг нь олсон хэрэг. Би өөрөө ахтай дүүтэй, эрэгтэй зээ нартай би хэзээ ч монгол эр хүн арчаагүй гэж олон юм шальчиганадггүй харин зарим монгол эрчүүд аймаар шальчигануур гэдгийг мэднэ.


Одоо бодоход зүүд шиг л санагддаг юм. Баргий нь мартсан тэр хүнийг хамруулан мартсан болохоор би жаргалтай л байгаа. За тэгээд хүний хэлсэн гуйвуулаад аан чи зодуур нүдүүртэй байсан гээд дайраад байв. Хаха амьдралд байх ёсгүй ч би үзээд өнгөрсөн үүлэн чөлөөний амьдралаа дурсав. Тэрнээс хүн болгон бас минийх шиг амьдрал туулсан байх учиргүй, бас би энэнээс болоод монгол эрчүүдээ үзэн яддаг болоогүй. Ой мод урттай богинотой олон хүн сайтай муутай шүү...

Хичээл эхлэвээ

За ингээд номын дуугаа сонсоод эхлэвээ. Нөгөө яагаав мэргэжил дээшлүүлэх нэг юманд компаниас суулгажугаа гэж хэлсэн дээ. Тэгсэн тэр түрүү долоо хоногт бүртгэлээ бүх зүйл чинь бэлэн боллоо одоо ингээд материалаа ав гээд явуулсийн.


Тэгсэн одоо 2 модулийг нь яаралтай хийж дуусгаад дараагийн 7 хоногт ирж шалгалт өгөөд курстээ суу гэж захиа ирсэн.


Вахаха, хагас бүтнээр унтахгүй нь л дээ. Хуваарь муваарь ч өгөөгүй шал гомбоо юм хийж байгаа байхгүй юу. Одоо тэгээд яахавээ номоо эргүүлээл гүйгээд очихоос.


Тэр нь тэгсэн нөгөө менежерүүдийн хуралтай давхцаж таараад би нисдэг тэргэнд суухаа больсон. Шал намбагүйтээл жин мингээ бичиж явуулаад л байсан дэмий л хэрэг болж мэдсэн бол 48 кг гэж бичиж явуулах байсан байхгүй юу.


Хэдэн жилийн өмнө бол би 54 кг хүрэхээрээ л пээ паа болдог байлаав ш дээ, хоол ундаа хасаад л сүйд болоол харин гүйж эхэлснээс хойш апетит сайтай болоод одоо жингээ нээг их тэд дээр барина энэ тэр гэж гүйхээ больсон. Тэрний оронд жаахан байвал зхино гэсэн газруудаараа бариад байх юм сан гэж бодоод байгаа. Гүйхийн хажуугаар планк гээд байнаа тэрийг өглөө оройдоо 1 минутаар бариад, 00 орох тоолондоо 20 суулт /гэдиймүү squatийг/ хийгээд бай гэж уншсанаас хойш санаж нэг мартаж нэг хийгээл явж байгаа.


Гэхдээ л тээ одоо нэг 53 кг дээр очвол уу даа чамайг гоё л байх байх даа.


За энэ мэдэхгүй ээ, номын дуу жин хоёр гээд төс төрөлгүй л юм бичлээ. Гэснээс тэр Tess Battumur гэдэг бүсгүйн блогийг уншаарай дажгүй бичдэг хүн байна лээ. /Золбоод зориулсан болно./

Хайрлахын утга учир

Хайрланаа гэдэг, хайрлуулахаас илүү ур дүй шаардсан зүйл гэжугаа.


Над шиг хажууд нь байхдаа тонтгонож олон ааш гаргачихаад яваад өгсөн хойно нь араас нь шальчиганаад уйлаад, санаад байна гээд олон юм ярихыг бол хайрлаж байгаа хэрэг гэж үзэж бараг болохгүй байхаа...


Манай шархүү өнөө өглөө ажил руугаа явсан байхгүй юу, би өчигдөр орой гэртээ харихдаа хань ижилтэй хүн чинь ямар сайхан билээ гээд л бараг магтаал тууль зохиогоод уярч уярч урсаж байгаад орой болгосон юм.


Манай энчээ чинь одоо өвөл болоод гэртээ харихаар ганцаараа үед бол хүйтэн хөндий гэрт очдог юм. Ганцаараа хүмүүс бол ойлгоно. Гэхдээ хийтпамп бас дажгүй хурдан халдаг болохоор бас гайгүй гэртээ гал түлдэг байсан бол өнгөрсөн. Нийтийн халаалт гэж байхгүй л дээ энд, гэхдээ манай байшин дулаахаан айлууд шиг цан хүрэг татаад байхгүй болохоор би л даварч байгаа хэрэг. Эндхийн байшингуудын ганц гологддог зүйл нь гэвэл дулаанаа сайн барьдаггүй, нимгэн хөнгөн байдаг юм. Гээд хадуураад явчлаа.


Тэгсэн өчигдөр гэртээ харьсан манай шархүү аягүй гоё хоол хийгээд лааны гэрэлд вино задлаад гэр гэж халуун дүүгээд л цэвэр цэмцгэр гэж юугэх үү. Ороод баярлаж дэвж явж байгаад нэлээн орой унтсийн. Би чинь өглөө наашаа гарахын тулд эртүү босоод гардаг болохоор жаахан оройтохоор ядраад байдаг байхгүй юу. /аймаар шалтаг тоочигч/


За снүүзлэх гэдэг зүйл чинь миний хувьд өглөөний тэнгэрийн элч л гэсэн үг. Дор хаяж 2 удаа снүүз гэж байж босдог хүн өчигдөр ядарсандаа болоо гурван удаа дарчлаа. За хэрвээ тэгээд босохгүй бол дараа нь ажлаас хоцорч эсвэл хурдан давхих гэж өөрийгөө зовооно гэдгээ мэдэх хэдий ч би снүүзэнд үнэн ховсдуулнаа. Ингээд гуравдахь удаа снүүз дарсан даруйд шархүү босоорой, оройтлоо гээд сэрүүлэгтэй цаг шиг дуугараад унтуулдаггүй бай ш дээ. Тэгээд л нойрондоо харам ааш муутай сэгсгэр Күүтаа яасан байхнуу шууд аашмаатаал. Гомдоол арай л жаахан хүүхэд шиг нойроо харамлаж уйлсангүй. Тэгээд чаддагаар нь хоёр нүдээ жаахан солив долив хийв.


Тэгээд байхад л миний шархүү чинь өглөө надтай зэрэгцэж босоод намайг дагаад хотоос 20 гаруй км ийн наана байх нэг тосгонд намайг дагаж ирж ганц аяга кофе авч уугаад намайг нааш нь үнсээл явуулж байгаам даа.


Миний ааш дороо гардаг л даа гэхдээ л энэ одоо хэнд хэрэгтэй юм бээ. Боличкээчээ ааш муутай царайгүй бор юм чинь зүгээр. Тэгээд 21 хоног энэ хийсэн нүглээ сайн бодож яавал цаашид засаж залруулж амьдрах вэ гэж бод.

Сайхан бүсгүй

Тэр нэгэн бүсгүй, сэтгэл сайтай, хүнд болмжоороо тус дэм болж, хэлж ярьж байхыг найз нөхөддөө сануулан, хэнд нь ч харамгүй зөвлөгөө өгч суудаг, царай зүс сайтай хөөрхөн төрсөн учраас хавийн залуус эргүүлээд байх ч хэн хэнд сэтгэлээ бариад гүйгээд байдаггүй даруухаан маягийн бүсгүй.


Түүнийг өнөө өглөө гэнэт санав. Хааяа уулзаад ярьж суухад гомдол гаргаж хэн нэгнийг буруугаар ярих нь үгүй ихэнхдээ сонсож чи тэг ингэ гээд учиргүй зааврлаад байхгүй ч түүнээс салан одохдоо тэгье байз түүний зөв шүү гэж ихэнхдээ бодогдох...


Нэг л хүнийг хүлээсээр олоон жил болж буй, тэр хүн нь ч ирдэг ч үгүй мөртлөө амьдралаас нь гараад явчихдаггүй, амьдралынх ь чухал нэгэн байсаар мөртлөө хэзээ ч түүнийх болно гэж ам тангарга тавьдаггүй. Үе үе хүний нүднээс нуугдаж уулзаад салах бүрдээ эрч хүч нь улам нэмэгдчихсэн би энэ хүнд хайрлаж явсаар л дуусна гэж алаг нүдээ тормолзуулан үнэн сэтгэлээсээ хэлж суух.


Айлын эхнэр болсон миний хувьд энэ нь хэцүү юм шиг санагдаж, тэр эрхмийн эхнэрийг хааяа өрөвдөх ч танихгүй хүнээс илүү хайртай найзыгаа дотроо дэмжиж суух би хүртэл буруутай шиг...


Эхэндээ миний болон бусад найзуудын зүгээс болио, амьдралтай үр хүүхэдтэй хүнийг ингэж орж гарч хайрлаад ях юм гэж зөндөө зэмлүүлсэн боловч одоо бараг 10аад жилийн амьдрал бараг л part time нөхөр аятай болчихсон болохоор зэмлэхээ ч байж...


Яагаад ч юм түүнийг бодохоор дандаа зөөлөн дулаан шаргал мэдрэмж төрдөг, хаа нэг уйлсан нулимсыг эс тооцвол дандаа л инээд цацруулж явах тэр минь сайхан бүсгүй.
Амьдрал жаахаан л хугасхан заяачихсан ч тэрнээсээ бүтэн юм шиг амьдардаг түүнийгээ зэмлэн бодоод ч яалтай. Ийм сайхан бүсгүйн сайхан хайранд бялуурсан тэр залуу, мэддэг ч мэдэхгүй царайлаад жил болгон шахуу маамуулаад л яваад байдаг тэр гэргий...


Амьдрал дүүрэн юм шиг хэрнээ дутуухан юм шиг тавилан ч тэр минь өөртөө жаргаж яваа сайхан бүсгүй...

Зүүдэлсээн би таныг

Зөндөө тодоор, яг л тэр алхаагаараа урт цувны хормойгоо намиртал эгц цэх алхаагаар булан тойроод гараад ирэхийг тань харж зүүдэлсэн.


Олоон жил өнгөрч хоног хугацаа миний гунигийг элэгдэж мөлийтөл биш ч эвлэрч зөөлөртөл урссан энэ он жилүүдийн дараа таныгаа би зүрхний гүндээ, зүүдний хоймортоо, сэтгэлдээ бас ухаандаа өдөр болгон бодож үгүйлдэг хэвээрээ жаахан охин чинь таныгаа зүүдэлж хонолоо.


Хорвоо бид хоёроос бас таныг хайрласан ижийгээс минь, ах дүү нараас минь арай л эрт одчихсон таныгаа ингэж зүүдлэх болгондоо би гунигладаг ч таныгаа надаар бахархаж яваа гэдэгт итгэдэг итгэлээр сэтгэлээ тайтгаруулдаг юм шүү.


Ааваа.

Санажээ би чамайгаа...

Санасан байж шүү дээ. Өглөө өдөр үдэш оройгүй бидэн хоёр дэлгэцийн наана цаанаас бие биенээ ширтэж хааяа надтай хамт хоол хийж, ор хурааж эсвэл нүүрээ цэвэрлэж шүдээ угаахад  хань болж суудаг хань минь энэ удаад 3 биш 4 долоо хоноод өнөөдөр наашаа гарч байгаа юм.


Өглөө ажилдаа ороод ирсэн утсан дээр Очлоо гэсэн мээсэжийг ОМГ гэсэн стийкэртэй явуулсан байхыг хараад сэтгэл бэлбэлзэж хоолой зангиран нулимс алдрав.


Санасан байж түүнийгээ санаад бэтгэрэх шахаж... 4 долоо хоног арай удаан юм. Одоо гэхдээ яваад 3 долоо хонож ирээд бидэн хоёр нь салахгүй сар хамтдаа байна. Тэр гэхдээ Англи намайг оруулвал шүү дээ...


Ирэхэд нь өөрөө эрхлэхээ урьдаа бариад байлгүй жаал эрхлүүлье гэж бодов. Гэхдээ тэр их хэцүү, эрхлэхийг мэргэжлийн түвшинд эзэмшсэн хүн нэг мэдэхэд л аргаа олоод эрхэлцэн сууж байдаг болохоор аягүй явдалтай.

Сайхан урт вийкэнд

Сайн байцгаагаад саяны Хүүхдийн баяраараа сайхан баярлацгаасан уу?


Би бас сайн байгаад сайхан амраад л байж байна Өнөөдөр энд Хатан хаан Элизабетийн (Их Британий) төрсөн өдрийг тэмдэглээд хотол олноороо амраад л байцгааж байна. Өнөөдөр Даваа гариг юм шиүү ингээд бичихээр хааяа өчигдөрт ороод байх шиг...


Баасан гаригт найзынхаа байдаг газар луу автобусанд суугаад дуугаа дуулаад гарч өглөө, яагаав нөгөө Турк найз охиныдоо. Тэдний маань охин нь дэгэж дэрвээд юм түшиж зогсоод тэврэхэд барьцтай элдэвтэй хөөрхөн болжээ. Охинтой нь хэсэг эрхлэлдэж байгаад л ирлээ.


Гэхдээ бид хоёр бүтэн сайны өглөө нөгөө алдарт маратондоо гүйхээр очсон гол зорилготой.


Найз маань гэхдээ шөрмөс татаад гүйж чадахгүй байх гээд 10 кмт гүйхээр болж би нь 21.1 кмт гүйгээд ирлээ. Очихийн өмнөөс эхлээд л цаг агаарын мэдээ чагнаад л дуншаад байсан үнэхээр л мэдээлснээр болж их муухай хүйтэн шуургатай бороо ихтэй өглөө байсөөн.


Эхний 8кмийг санаанд багтаал гүйгээд л баясаад л байсан 8 кмийн дараа харин шууд уул өөд өгсөөд эхэлдийм даа. Ээжээ л болж байгаам чинь, би чинь сэтгэлд хүртэл хангалттай гүйж чадаагүй бас ташааны булчин жаахан гэмтэлтэй байсан болохоор уучлаарай алхачия аа л болсон. Гэхдээ бас өөртэйгөө их хэрэлдэж тэмцэлдэж чи чадна гэж баахан сэтгэлзүйн дэмжлэг өгсний хүчинд алхаагүй ээ удаан ч гэсэн гүйсээр байгаад л дуусгасан даа. Үе үе мэлс хийтэл ширүүн бороо асгараад нүүр лүү ширүүн салхи үлээгээд л гутал хувцас нэл ус бараг гутал маань хүндрээд ч байх шиг.


За тэгэхдээ дуусаад гүйгээд барианд ороод ирсэн гүйж дуусаад барианд орсон хүн бүхэнд өгдөг медалийг нэг нөхөр хүзүүнд зүүж өгөөд нэг банана гар атгуулаад ус өгөөд ингээд дуусаа..
Хэхэ, дуусчаад такси барих гэснээ шал нойтон усан хулгана болсон амьтан бас машин тэргэнд суух гэж бодоод алхцан чинь найзын гэр 3км алхуулдийм даа. Хурдан алхаж яадахгүй, гүйж бүүр чадахгүй нэг норсоон зурам шиг юм усан бороонд өрөлттэй л алхаад байна гээд төсөөлөөд үз.


Гэхдээ бас гүйгээд дууссан болохоор сэтгэл санаа гэж үүлнээс дээш л явж байсан болохоор аз жаргалтай гэж юухүү.


Одоо гэртээ ирчихээд дулаахан хөнжилдөө жаргалын дуугаа дуулаал хэвтжийнэ. Маргааш ажилтай тул босч хоол ундаа бэлдэнэ, шархүү 3дахад ирэх тул гэр орноо цэвэрлэнэ гээд жаахан ажил ихтэй өнөөдөр гэхдээ. Булчин шөрмөс нуль өвчин гэхдээ нэг тийм гоё хөндүүр байдагаа тийм хөндүүр болохоор урамтай гэж.


За нэг иймэрхүү миний хамгийн удаан гүйсэн хагас маратон минь дууслаа. Өчигдөр тэгээд найзтайгаа ялалтын пийвээ ууж суухдаа дараагийнхаа уралдаанд бүртгүүлэхээр ярьчлаа хэхэ. 9 сард тийм болохоор одоо нэг 7 хоног амраад буцаад л гүйж эхлэнэ дээ...

Би хэн билээ

Үймэрсэн сэтгэл

Тэнэг үгс

Ууртай хоолой

Уцаартай хөмсөг

Би хэн билээ

“Тэнэг” гэж хэн нэгнийг шүүмжлэх

Тэрсүү биш ч цөхөрсөн гомдол

Хоосон бүхний үнэн нь үгүй ч

Холын хол нутгаасаа л хайна.

Би юу билээ

Замын дундаас эргэж амжихгүй

Зав гаргаад нисэж завдахгүй

Өнөөдөр маргааш хоёртоо эдлүүлж

Өөрөөсөө бусдаас гарц хайх

Би яасан билээ...

Бүтсэнгүй ээ...

Бүтэлгүй, бүх юм нь болохгүй тэгээд би одоо яах учиртайгаа мэдэхгүй байна өө.. Бүү мэд ээ гээд азаа үзэх ч одоо бас хайшаа юм тийм биз дээ, амьдрал азан дээр тогтдоггүй л байх гэж боддийн ш дээ, хэрвээ тогтдог бол өнгөрсөөн.

Зугаатай амьдрал минь билээ...

Юу хийгээд дуусгачихаваа сүүлийн хагас бүтэнийг...


Бужигнаад л дуусчих юм даанээрээ. Шархүү долоо хоногоор сунаж ажиллаж байгаа, ойрдоо манай сэгсгэрийн ажил нь барагдахгүй миний ааш барагдахгүй тэнгэр хангай ширүүхэн л байгаад байна.


Уг нь 29нд гэртээ ирэх ёстой байсан боловч 6 сар гаргаад ирэхээр болсон би яахав наанаа өө зүгээр ш дээ гэсэн мөртлөө мэдэггдэхүйцээр тонтогонож муухай биш мөртлөө хөөрхөн биш аашлаастай.


Харин тэгсэн хагассайнд гэртээ сууж байсан чинь хонх дуугарч байна, би ганцаараа байдаг болохоор аягүй муу санаатай очиж харчаад танихгүй бол хаалга үүдээ онгойлгодог ч үгүй юм. Чимээгүй байж байгаал явуулчдийн.


Тэгээд сэмээрхэн очоод харсан чинь харин бөөн цэцэг барьсан хүүхэн зогсжээнэ, юу билээ гээд онгойлгосон чинь харин хань ижил минь хөөрхөн цэцгийн баглаа явуулжээ. хэхэ

Тэгээл баясаад хөөрхөн дээрээ тавьцан. Нээрээ эмэгтэй хүн тэгээд хөөрхөн дороо баярлаад жижигхээн зүйлд хамаг нар нь гарчдаг амар даа тээ.

Би бол шоколад цэцэг хоёронд бол урсаал уяраал алга болж өгнө хямдхан.

Манай нэг найз байдийн, нөхрийгөө цэцэг авч өгөхөөр нь битгий энэ дороо үхчдийн битгий мөнгө дэмий юманд үрж бай гэж хэлдэг гэдийн. Ер нь бол зөв л дөө, үнэр үзэсгэлэн хоёр нь мөнх биш болохоор хатахаар нь хайран санагддаг байх.

Би бол эсрэгээрээ надаа цэцэг авч явуулаасай цэцэгтэй тосоосой цэцэг цэцэг цэцэг гээл хүсээстэй. Цэцгэнд дуртай цэцэг авах хообийтой гэдгээ нуудаггүй. 

Пээ ямар хүйтэн юм бэ...

Хойд арал уг нь урдаасаа дулаахан байдаг байхгүй юу. Энд ирснээсээ хойш тэрийг мэдрээд баясаад байсан юм. Тэгсэн энэ жилийн өвөл сэгсийтэл эрт эхлээд сая хэд хоног баахан усан бороо, ширүүн салхи аянга цахилгаан гээд л энэ тэнгэр маань баахан л янз бүр болсийн.


Тэгээд борооны сүүлч сая бүтэн сайнаар дуусч цаг агаарын мэдээ маань овоо нарны зурагтай болоод ирэхээр нь баясаад байсан байхгүй ээ. Тасарч унах гэж байна.


-1,6 цельсус хүрж гэнээ өнөө өглөө босоод ирсэн чинь арай л цан хүүрэг татах нь холгүй хүйтэн байна лээ.


5 долоо хоноод би зун луу явнаа гоё уу. Би ажлынхандаа гайхуулаад л сууж байна.


Арай өөр юм ярий даа. Манай ажлаас менежерүүдээ нэг өөр хот руу хурал болон оройн хоолонд явуулаад тэнд нь хонуулаад маргааш нь авчрах юм гэнээ. Тэгсэн нисдэг тэргээр зөөнө гээд жин чинь хэд вэ гэнээ хаха. Би шархүүд хэлсэн чинь За Күүтаа минь ээ энэ чинь л жингээ худлаа хэлж болохгүй ганц тохиолдол шүү дээ гээд намайг шоолоод байгаам даа.
Тэгсэн бусад хүмүүс маань шууд reply all гэж байгаад жингээ тэр имэйлийн хүлээн авсан бүх хүн лүү ичиж айхгүй явуулаад байхийн. Би ч яршиг ганц тэр зохион байгуулж байгаа хүн лүү л явуулсан. Бас л хүнд хүн шүү дээ би чинь.

Love on the brain

Аянга цахилгаан хийгээд бас бус

Урд шөнө дээвэр дээр минь үүлс зодолдож хонов.


Тас няс хийгээд л мэлс хийтэл цахилгаан цахиад л үе үе салхины эрч ширүүсэн дээвэр хуулаад аваад явчих вий гэмээр исгэчиж байгаад жаал намдаад дахиад л эхлэх...


Би бүр өглөө нэлээн орой гэрээсээ гараад давхилаа л даа, бас аянга цахилгааны намдааж байгаад гарч байгаа нь тэр.


Замаар яваа машинуудыг хань татан, за ямар ч байсан эд нар яваад байхыг бодоход бас гайгүй ч юм болов уу, ядаж гэрээ жаахан цэвэрлээд гардаг байжуу дээ, цахилгаанд цохиулаад муу юм болчихвол ард үлдсэн хүмүүс аймшгийн гэрт орох вий дээ гэх мэт бодол орж гараад салах биш.


Гэхдээ бас гайгүй ээ, давхисаар байгаад ажил дээрээ ирсэн одоо бас л цахилгаан цахиж тэнгэр дуугарсан хэвээрээ...


Гэснээс би энд ирснээс хойш даатгалд их дуртай болсон. Анх ирчихээд эрүүл мэндийн даатгал төлж эхлээд одоо бол ийш тийшээ явахдаа заавал аялалын даатгал хийлгэж аваад явдаг болсон.


Амь насны, машины, эд хогшлын гээд даатгалуудад хайр зарласаар удаж байна. Сэтгэлд амар юм даа тийм ээ, сэгсийж яваад ямар нэгэн байдлаар дээшээ тэнгэр хол доошооо газар хатуу болох үед даатгал шиг хэрэгтэй зүйл байхгүй байх гэж боддог юм.


Сая гэрлэхийн өмнө гэрээслэл бичиж батлуулаад орхисон хүн ер нь болгоомжтой байхад илүүдэхгүй бас залуудахгүй л гэж бодох болсон.


Зарим компаниуд эрүүл мэнд амь насны даатгалыг нь төлдөг юм билээ.


***


Эндэхийн тэтгэвэрийн систем нь бас их зүгээр. Оршин суух эрхтэй эсвэл энэ улсын иргэд /Австралийн иргэд бас энд ажиллаж амьдарч байгаа бол/ нь тэтгэвэрийн дансаа нээлгэх боломжтой. Өөрөө цалингинхаа 3, 5 эсвэл 8 хувийг сар бүр данс руугаа хийнэ. Ажил олгогч байгууллага нь 3% тай тэнцэх мөнгийг бас тэр данс руу хийх шаардлагатай. Ингээд тэр данс нь өсөөд үржээд байна гэсэн үг. 65 нас хүрч тэтгэвэрт гарах үедээ энэ мөнгөө авч амьдарч болноо гэсэн үг.


Аа харин оршин сууж байгаад энэ улсаас гараад явлаа гэхэд 12 сарын дараа тэр мөнгөө бүхлээр гаргаж авах боломжтой.


Бас нэг дажгүй зүйл нь тухайн хүн дансандаа өөрийн зүгээс 1042$ оос дээш мөнгийг жилийн дотор хийсэн тохиолдолд Засгийн Газраас 521$ урамшуулал болгож өгдөг.
Тэгэхээр жилд дансандаа 1042$ хийвэл шууд 50% ийн нэмэлт авна гэсэн үг. Үнэхээр зүгээр байгаа биз.


Ер нь энд татвар өндөр түүнийгээ дагаад иргэддээ маш их халамж тусламж үзүүлдэг. Ажилгүй хүмүүс засгийн газрын дэмжлэгтэйгээр бараг ажилтай биднээс дээр амьдраад байх тохиолдолууд байна. Татвар өндөр байж байж л иргэдээ анхаарч үздэг байх нь бас. Нэг бодлын зөв шүү. Манайх ч одоо тэгээд иргэдээ хулгай хийнэ үү яана уу ийнэ үү өөрсдөө болго гээд хаячдаг болохоор би сая тэр татвар нэмэгдүүлэхийг дэмжсэн дэмжсэн.

Мэргэжил дээшлүүлэх

Сурах хэрэг их байна, хүсэл их байна, тэгээд миний яг сонирхсон газар сонирхсон курс дээр жаахан дэгэн догон гээд байна сурах их үйлсэд минь. Тэгэхээр нь бүр больчие анхнаас нь үзчие гээд бас ойрдоо интернет ухдаг завгүй ажилтай болоод байгаа.


Бас мэргэшил дээшлүүлэх курсэд бас бүртгүүлсэн. Тэр гэхдээ компаниас төлж байгаа болохоор санхүү болон ажлын цаг зав гэх стресс байхгүй нь амар...


Би сурах аягүй дуртай ш дээ, даанч тэгээд амжихгүй л яваад байх юм. Одоо ойрын хэдэн жилийг сурах боловсроход ихээр анхаарч өнгөрөөе гэж бодоод байгаа...


Хүмүүээ надад туршлагаасаа хуваалцаарай. Манайхан чинь их мундаг улсууд байдаг шүү дээ гадагшаа их явж суралцсан. Би нь бас яг ажлаас гараад суралцахаар явах гэхээр бас боломжгүй ч юм шиг, онлайнаар бас гайгүй сургалтууд хайгаад байгаа юм аа..


Болно доо тийм ээ, сурна даа... Болохгүй бол бэлхүүсний бүжгийн дамжаанд явж франц хэл сурнаа...


Ай хө амьдралаа гэж.

Гүйгээд бай хүүхэд минь...

Ирээдүй чинь гэрэлтэй өмнө чинь алтан шар зам чинь дэлгээстэй байна. Ингээд чи минь эрийн цээнд хүрчээ.


Өнөөдөрөөс эхлээд чи минь юу хүссэн тэрийгээ хийж, юу мөрөөдсөн  түүнийхээ хойноос гүйгээд байх эрх чөлөөтэй шувуу шиг болж байгаагаа мэдэрч байгаа биз дээ ай хө?


Чи одоо гараад л юу болмоор байна тэрийгээ бол. Ээлф болно уу, үлгэрийн дагина болно уу, эсвэл ажил хиймээр байна уу оюутан болж цаашаа сурах уу гээд хүссэнээ хий, мөрөөдөлдөө үнэнч бай, гал халуунаар дурлаж яваарай, амьдрал зохиож нэг хэвэнд орох гэж яаралгүй ажиллаж үз, аялаад амжчих, үсээ тайр, нүүрээ буд, өндөр өсгийт богинохон даашинз өмс, хэнэггүйтэж үз, хариуцлага үүрч бас алдаж сур.


Зүрхээ хэн нэгэнд бүхлээр нь зориул, зүсээд үлдээвэл нь цуглуулж аваад бүтэн болгох хугацаатай гэдэгтээ итгэ.


Хэн нэгнийг хайр найргүй хайрла, насны найзуудаа эндээс олж авах азтай бол сайн, гэхдээ цаашид зөндөө олон гоё хүмүүс таарнаа гэдгийг битгий мартаарай.


Өөрөө өөртөө л үнэнч байгаарай, бусад нь аяндаа болдог юм аа.


За тэгээд жигүүрээ дэлгээд гүйгээд бай хүүхэд минь, амьдрал чамд далавчаа дэвэх боломж бас цаг хугацааг авчраад өгдөг юм шүү.

2018 05 22

Би нэг юм туршиж байгаа юм аа, хэрэгтэй хэрэггүй хэдэн юм ойрын 4 сарын хугацаанд бичигдэх байх шүү. уучлаарай.


Өөртөө нэг юм туршиж үзэх  гээд.


Нартай, 18 хэм, дулаахан өдөр эхэлсэн хэдий ч тэнгэр муухайрч ширүүн бороо асгарав. Өглөө ирсэн чинь хэдэн гадас хэрэгтэй гэхээр нь уурхай явж гадас хатгаж будах гэж хумс хуруу өмд цамц бүх зүйлээ будчихаад орж ирсэн одоогийн байдлаар ооранж нөхөр байгаа болно.


Хань ижил ирэхэд 15 хоног дутуу...


Эргэн тойрны хүмүүс сайхан ааштай, би жаргалтай, энэ эрчээрээ амьдралаас сайн сайхныг нь хараад жин дунгуйдаад байя л гэж бодоод байгаа ш дээ...


Би нээрээ шархүүтэй дээр цуг суужийсийн. Тэгсэн нэг өвөө эмээ хоёр үнэн тас аймаар халамжтай өвөө эхнэрийнхээ өмнө бөндөгөнөөд л дараа нь гарахдаа хөөрхөн хөтлөлцөөл алга болж өгсөн. Тэрийг хараад би би истаа хурдан хөгшрөхийнсөн гэж боддий ш дээ, хоюулаа тэгээл энэ хоёр шиг гоё байхгүй юу гэсэн шархүү "амьдралаа хурдан өнгөрөөсэй гэж битгий хүсч бай" гэнээ хаха.  Нээрээ бодсон чинь хаашдаа л өдөр хоногийг зогсоож болох биш юундаа ч хурдан тэгэх сэн ингэх сэн гэж яарах вэ дээ. Тийм ээ ай хөө?


Гэснээс би нээрээ тэр гадаад пасспортын асуудалд одоо болтол ундууцсан хэвээрээ л байгаа. Иргэдээ ийм байдалд оруулж байгаад нь гомдоод салахгүйен.
Би хэрвээ мэдээгүй гүйгээд очсон бол 17 цаг Доха руу тэндээсээ дахиад 7 цаг Шотланд руу нисч очоод орж чадахгүй бол тэгээд үнэхээр хэн хариуцлага хүлээхийн энэчодоо тийм биз дээ? Буцаад л хэдэн өдөр дамжаад л Английг нэг үнэрлэж өгөөл нисэх байсан байна шүү дээ.


Имй ийм асуудлыг асуудал болохоос нь өмнө шийдвэрлэж болох байсан гэж би боджийно. Нам дарга дагасан албан хаагчид биш үнэхээр мэдлэг чадвартай хүмүүс нь ажилын местэн дээр сууж байгаа сан бол асуудал арай өөр байх байсан байх магадлалтай...

Гадаад пасспортын асуудал

Энэ юу болоод байгааг хэлээд тайлбарлаад өгөх хүн байхгүй л байх даа. Би нь ноднин пасспортоо сунгуулаад жил болох гэж байгаа юм. 8 сард гэртээ хариад ирэхэд Хонг Конг болон Шинэ Зеландийн хилээр ямар нэгэн асуудалгүй нэвтэрсэн болохоор санаа амар сууж байтал....


Саяхнаас бусад улс орнууд үүд хаалгаараа оруулахгүй байгаа тухай бас сонсоод авлаа л даа. Өглөө найзаас маань мээсэж ирсэн чинь хүүе ээ хүүхэдээ Чи 7 сард Англи явах гэж байгаа биз дээ? Англи сунгалттай паспорттой бол оруулахгүй байна гэнээ, чинийх яажийна гэсэн байдаг байгаа. Би ч гэж би 5 цагт нэг сэрэхдээ халти утсаа шалгаад тэрийг хараад стрессдээд унтаж чадсангүй. Уг нь өнөө өглөө 7 хүртэл унтана гээд өөртөө зөвшөөрөл өгөөд байсан байхгүй, чаддагаар нь Шархүү рүү ярьж баахан савчлаа.


Ёстой нээрээ сонин юм аа, би яаг одоогийн байдлаар паспортоо Английн элчин лүү илгээгээд виз хүсчихсэн байгаан. 2 долооо хоногийн өмнө явуулсийн.


Одоо нээрээ яах ч ёстойм байгаан. Маргааш элчин лүүгээ имэйл бичиж үзэхээс яаралтай гаргаж өгдөг учир хорвоо байдиймуу гүү мүү. Хэрвээ үгүй бол одоо Монгол явахым байх даа? Би энэ жил нээрээ ажил хийхгүйнээ энэ чинь одоо Монгол явахад чинь дор хаяж 8 хоног хэрэгтэй гээд бодоод үз дээ.


Хэлж мэдэх хүн байвал туслаарай. Би энд шаналсандаа болоод ус руу ороход бэлэн байна.


Жич: Сэлж чаддаггүй болно.

****

Тэр нэгэн дууг би хайж эрж хүлээдэггүй ч
Тэнэмэл тохиолын дундаас хаа ганц сонсохдоо
Тэртээ холын өдрүүдэд охин сэтгэлээ сандайлчихаад
Тэнэг юм шиг чамд дурлаж явснаа дурсдаг...
Үйл үйлийн үрд хэзээ ч санаа зовоогүй
Үе үеийн шуурганд чиний мөрийг түшсэн сэн
Хол холын тэртээгээс уйлж дуулсаар ирэхэд чинь
Хоосон хоосон шөнүүдийг аргадаж учирласаар хайрласан
Зөндөө олон жилээс чиний үнэр арилахгүй
Зөрүүлж бичсэн дурлалын торгон дурсамж тасардаггүй
Холоо орших сэтгэлээс чинь холдоод хэдийнээ явчихсан ч
Ховрын тэр дуу л чамайг надад сануулдагаа...
Чи миний аялаагүй үлдээсэн хайрын дуу
Чи миний хөглөөгүй орхисон хийлийн утас
Чи миний хэзээ ч учрахгүй зэргэлдээ ертөнц

Чив чимээгүй тэнд л орших тэр л аялгуу...