Удахгүй явах аялалдаа бэлдэх нь...

Бидэн хоёр нь хуримын дараа бал сар гэж ийш тийшээ яваагүй юм. Гэртээ 7 хоног сайхан тэнүүн амьсгаа авч, зүв зүгээрийг хийж амарсан юм. Тэр нь ч зөв байсан гэж бодоод байгаа, бид хоёрын хувьд.
Харин хадмууд маань хуриманд ирж чадаагүй, хадам аавын бие чилээрхээд хадам ээж сахиад ингээд тэр хоёр ирж чадаагүй учиртай болохоор одоо _ сард Англи Шотланд руу 3 долоо хоног аялах гэж байгаа юм.


Бэлтгэл базааж сүйд болсон зүйлгүй, билетее авчихвал визандаа орно гээд тэрийг жаахан хойш тавиастай харин хийж бэлдэж байгаа зүйлс бол очоод үзэж харах газраа л хайж байна. Англид Йоркийн тэр хавиар 5 хоноод цаашаа Шотланд орох болохоор Шотландад арай олон хоногт юу үзэж харвал дээрвэ л гэж хайж суугаа нь энэ.


Эдинбургт хэд хонохын тэр үедээ тэр үндэсний цэцэрлэгт хүрээлэн, бас бус орд харш, тэдгээрийг үзэхээс гадна:


Helix гэнээ, 30м өндөр хоёр морины толгой байдаг газар байдаг юм байна. Зайлшгүй очиж үзэх хэрэгтэй гэж шийдэв.

Энэ гоё харагдаад байна, очиж зураг авнаа. Би зураг авах хообийтой гэж хэллүү, апраат маань муудаад байгаа ч янз бүрээр зураг дарах дуртай.

За дараагийнх нь бас үзэх сонирхолтой зүйлийн нэг нь дэлхийд ажиллаж байгаа цорын ганц усан онгоц/завь -ны лифт гэнэ дээ. Үүнийг тэр жил Canterbury Их Сургуульд сууж байхад манай инженерийн багш энэ бол маш гайхалтай инженерийн бүтээл Шотланд орвол заавал очиж үзээрэй гэж хэлж байсан учраас заавал үзнэ гэж бодоод байгаан. 

 

Одооноос эхэлж сайн судлаад, бас ганц нэг орд шилтгээнд орж үзмээр, бас ганц нэг хоноод авбал гээд мөрөөдөөд байгаан.

Баснэг хэсэг босоо хадтай газар байлээ, тэрийг бас ойрхон явж байвал үзэх л санаатай. Би тэр жил Англи орохдоо бүр хичээж байж хагас марафонд орж гүйсэн байхгүй юу, тэгээд энэ жил Шотландад нэг гүйчие гэсэн яг хагас марафонууд нь миний байх үед бас байрлах газартай ойр байж таарсангүй. Дараа очихдоо л тааруулж явахыг хичээхээс.

Шотланд орж байсан хүмүүс байвал санаа оноогоо хэлээрэй.

Баярлалаа...

Өөрөө шийдцээн...

Нөгөө сүрхий өрхийн тэргүүний саналыг их хурлаар авч хэлэлцэнэ гээд онгироод байсан хүн байхгүй ээ..


Нөгөө ааштай дарга маань өрөөндөө дуудаж оруулаад, их сайн ажиллаж байна гэж магтаад, сургалтанд суулгаж өгье, ийм сургалт байна тийм сургалт байна, яг үнэндээ чамайг явуулж чадахгүй шүү даа гээл хэлэнгүүт онгироод нөгөөх чинь эндээ ямар ч байсан дахин 1 жил ажиллана гээд шийдвэр гаргачлаа...


Нээрээ ийм сагсуу хүмүүсийг жаахан магтаад л сургалт амлаад л үлдээхээ эрх биш менежер хүн мэдэлгүй л яахав, гэхдээ тэр суулгана гэсэн сургалт нь ирээдүйд туйлын чухал алхам тул баярлаад уухайн тас зөвшөөрчлөө.


Бид хоёр нь учраа нэг их олохгүй одоо байгаа байрны түрээс дуусах дөхөөд яах вэ гэж байсан хүмүүс шийдээ гаргаад гэрээгэээ сунгаад ингээд түс тас түмпэн шанага...


Нээрээ би сая баахйн хуучны хэлц үгнүүд хэрэглээд байгаагаа мэдсэн ш дээ. Намайг аль 6 жилийн өмнө наашаа гарч байхад л моодонд орж байсан одоо моодноос гарсан үг хэлцүүд хэрэглээд байна гэж шоолуулсан.


Би чинь ингэж гомбоороод тэгж гомбоороод, тийм дуу цаад караокед чинь байна майна гэсэн тэднүүс чинь одоо үгийн санд бараг байхгүйм байхөө...


Хэн мэдлээ. Одоо жаахан юүтүүбээр хошин шог үзэж үгийн сангаа баяжуулахуу? Дээхэн учиргүй дуртай байсан, нас яваад намба суухаар тэр хошин шогууд хошин биш санагдаад байдаг болцийм шигээлээ л д.


За надаар нэг иймэрхүү, хуурай ханиалга л байна. Энэ вийкэндээр 4 хоног амрахын нөгөө Улаан өндөгний баяр нь болжугаам. Юу ч хийхгүй дуртай зүг рүүгээ харж хэвтэнэ гэсэн төлөвлөгөөтэй.


өөр ч юмгүй дээ.

Утга авцалдаагүй...

Ханиад гээч хачин муухай амьтанд хэд хоног дарлуулав. Тэгсэн ч гэсэн гэртээ ганцаараа өвдөхөөр хэн ч тоохгүй, тоолгох гээд хүн ч байхгүй болохоор нь ажил дээрээ л ирж ханиадаа даван туулжийна даа нээрээ. Шархүү яахав, утасны цаанаас ажилдаа битгий яваарай, ядраад байвал зүгээр болкүү шүү гэхээр нь за гэж хөөрхөн царайлчаад өглөө нь залгахад нь аль хэзээний ажилдаа ирцэн суужаам чинь. Яахууд, мань хүн надаас 3 цагаар хоцорч явдийм чэн. Хэрвээ би энд өглөө 5д босоол явкжаахад тэндээ2 цагт сэрээл залгаал явкүү шүү гэсэн бол би явкүү л байлаа. Гэснээс бид хоёр бас яахаа сайн шийдэж чадахгүй ярихаас цаашгүй л болоод байдаг. Нэг дороо орох гэхээр нэг маань заавал ажил хайх ажилгүй хэсэг суух хэрэгтэй болчоод байгаам шиг санагдаад, тэгээд би хэлсийн чи өрхийн тэргүүнээрээ нэг жинтэйхэн санал дэвшүүл дээ, би бодолцож үзье гэсийн. Тэгээд чухам манай өрх гэрийн тэргүүн юу боджахуй удахгүй мэдээд хэлэмз. Энэ чинь харин зүгээриймүү, жаахан залхуу хүрээд байвал гүү чи өрхийн тэргүүнээрээ нэг тэгээдэхдээ гээл суужээвэл?

Гүү чи өрхийн тэргүүнээрээ нэг хоол хийгээд тоосоо соруулчаач гээлүү.

Энэ миний урд нь амьдарч байсан хотод байдаг зураг. Тэр хотоо өнөөдөр гээгэнт саналаа.

Ууж идэхдээ уургын морь шиг Күүтаа байна би.

Цэцэгсэнд дуртай

Миний нэхдэг юмнууд бол тэгээд ороолт л болдын, хэлбэр дүрс тоо моо хэрэггүй.

Иогй хийж эхэлмээр ч шиг...

Идэж уухын ид шидтэй хүн байна. Хап гээл эргээд харахад алга болгоцон байдаг хүн дээ.

Цэцэгсэнд дуртай гэж хэллүү.

Би цэцэг бэлгэнд авах хообийтой хүүн.

Ийм сайхан амьтан идээгүй 24 цаг болцон байна ш дээ...

Стресс хэрхэн тайлах вэ....

Өнөөгийн өндөрлөгөөс харахад /аая, аягүй л өндөрт гарсан хүн/, би өмнө нь стрессийг их буруу аргаар тайлдаг байсан байна.


Яаж вэ гэхээр тамхи татдаг бас пийв халбагаддаг байлаа. За пийвийг бол баяртай жаргалтай, гутарсан стресс болоод бүр ямар ч сэтгэлийн хөөрлөгүй нютрал үедээ халбагаддаг болохоор бас арай ч биш юм уу?


За тамхийг бол их татсаан, энэ бол их буруу байж.


Тамхинаас шалтгаалан уушиг хатуурах улаан хоолойн гэмтэл авах дуу хоолой бүдүүрэх гээд хавдар биш юм аа гэхэд наад захын өвчнүүд зөндөө.


Тийм учраас би одоо ухаан сууж намба заасан хүн хэрхэн стресс тайлдаг талаар зааж өгье.


Маш их ажлаар даруулаад хүмүүс энд тэндээс материал мэдээлэл болон төлөвлөгөө нэхээд суух зав өгөхгүй үед би их стрессддэг юм. Хааяа яагаад ч юм өөрийгөө чамлаж бодох гээд байдаг талтай. Энэ миний хамгийн буруу зан.
Тэгсэн Грэйгийн анатоми гээд олон ангит кануун дээр нэг удаа нэг эмч нь сүүпэр эмэгтэйн зогсолтоор хэдэн минут зогсож бай гэж зөвлөж байгааг /зөвлөгөө ч бас биш юмуу?, хөнгөн хошин маягаар хэлсэн байх л даа./  сонсоод түүнээс хойш тэгж зогсдог болсон. Гараа ташаандаа авч цээжээ түвийлгээд
Мэдээж өөрийгөө сүүпэрээр төсөөлж байгаам, хийж чадна гэж өөртөө бас урам өгч байгаам, амжуулна гэж өөртөө амьсгал авах боломж өгч байгаам.


Үнэхээр шүү, би дараа нь яаж ийгээд л бүгдийг амжуулдаг юм даа.


Хааяа ажлынхан онцгүй зан гаргаад хэн нэгэн нерв хөдөлгөөд /ажлын талбар дээр байнга л тохиолдоно./ байгаа үед эсвэл жаахан зэмлэл хүртэх үед утсан дээрээ байдаг ганц амины аязаа сонсдог.
Тэр нь Чинбаагийн тоглосон Мандухай Цэцэн Хатан, үүнийг сонсохоор өөрийн эрхгүй тайвширна шүү дээ. Учир нь тэр хүний хийсэн бүх зүйл, кануу нь нүдэнд харагдахаар бас л би чинь бас л нэг зүгээс нэг удам угсаанаас гаралтай мундаг эмэгтэй шүү дээ гэж боддог юм.
Заримдаа ажилдаа ирэхдээ энэ дуугаа сонсоод ирдэг, өдрийн бужигнаанд өөрийгөө бэлдэж байгаа нь тэр.


За тэгээд гүйдэг, өдрийн бүх зүйлсийг толгойдоо дахин бодож боловсруулж аль хэсэг дээр алдав аль хэсэг дээр би хичээгээд ч бусдын үйлдлийг зохицуулах боломжгүй байв, эсвэл энэ ажлыг яах вэ, хэнээс хаанаас зөвлөх вэ гэж тунгааж бодоход амар байдаг юм. Эсвэл зүгээр л бүтэхгүй ч бүтэх нь хамаагүй зүгээр л мөрөөднө. Мөрөөдөлөөр сэтгэл санаагаа сэргээж онгироож хийморио сэргээж байгаа хэрэг.


Хэхэ, энэ юу вэ? миний стрессийн 95% нь ажилтай холбоотой байвал яахав?


Ойрдоо бас хичээгээд байгаа нэг зүйл бол ажлаас гараад явсан бол ажлыг мартаж сур гэдэг, би ингэж чаддаггүй муу зантай юм. Өглөө сэрээд л утсаа нээж имэйлээ шалгаж, эрд шөнийн тайлантай танилцаж, юу болж байгааг заавал шалгадаг муу зантай. Амралтын өдрөөр ч хамаагүй. Үүнийг л багасгах хэрэгтэй шиг.
Та хэд стрэсс тайлах гоё арганаасаа хуваалцаарай.

Биед орсон хүнс хоол юу болдог вэ.

Идээд л уугаад л суугаад байна, буруу идэштэй байна гэж ярьсан даа, тэгсэн өнөөдөр нэг ийм сонирхолтой юм олж уншаад ийш нь чирээд ирлээ.


Дэлхий даяараа тураах жор, диет болон элдэв эм тариа жин хасалтын талаар шуугиж байгаа хэдий ч өнөөдөр биднээс маш цөөхөн хүмүүс хүний биеэс 1 кг өөх хэрхэн алга болдог талаар үнэн зөв мэдлэгтэй байдаг байна. Ихэнх хүмүүсийн ойлголтоор бол өөх тос нь энерги болон хувирдаг гэж үздэг боловч энэ нь буруу ойлголт юм.
Зарим хүмүүс өөх нь булчин болон хувирдаг гэх нь бий бөгөөд энэ нь бас л нөгөө буруу ойлголтуудын нэг гэнэ дээ.
Тэгэхээр бидний биеэс өөх маань хэрхэн гадагшилдаг вэ?


Зөв хариулт нь: өөх нь нүүрстөрөгч болон ус болон хувирдаг юм байна. Нүүрс төрөгчийг бид амьсгалаараа гаргаж харин ус нь бидний биеийн эргэлтэнд орж явсаар шээс эсвэл хөлс болж гардаг гэнээ.
Тэгэхээр хэрвээ би өнөөдөр 10кг өөх хаслаа гэж үзвэл энэ нь яг 8,4 кг нь уушигнаас гарч үлдсэн 1,6 кг нь ус болон хувирах нь. Нэг үгээр хэлбэл, ихэнх өөх маань амьсгал болон гардаг.
Энэ үнэхээр гайхалтай санагдах хэдий ч үнэн хэрэгтээ бидний уусан идсэн бүхэн уушигаар маань буцаж гардаг гэвэл итгэхүү. Архины төрлийн ундаа ч нэгэн адил.


Бараг бидний идсэн уусан ихэнх зүйл маань цусанд шимэгдэн ороод бид түүнийг амьсгалаж гаргах хүртэл тэндээ байж л байдаг байх нээ.


Гэхдээ нэг зүйлийг хэлэхэд амьсгаагаа давхцуулаад байвал өөхөө шатаагаад байна гэж бодож бас болохгүй нь, хэт ойрхон амьсгаадах нь толгой эргэх болон бүр ухаан алдах хүртэл муу нөлөөтэй.


Нүүрстөрөгчийн гаргалгааг ихэсгэхийн тулд бидний зүгээс хийж чадах цорын ганц зүйл бол булчингаа хөдөлгөх юм байна.


Унтаж байхдаа хүн өдрийн авах хоол хүнсний 1/3 тай тэнцэх хэмжээг аль хэдийн амьсгалаад гаргасан байх ба явган алхах, тоос соруулах, хоол хийх гэр цэвэрлэх зэрэг ажлууд нь хүний өөх шатаах явцыг даруй 3 дахин хурдасгаж өгдөг байна.


Тэгэхээр тоосоо соруулаад л алхаад л байж дээ.


Жич сонирхолтой санагдлаа.

Идэж уух, эрүүл мэнд, хөдөлгөөн хийгээд бусад зүйлсийн тухай...

Хуримын бэлтгэл гээд тун ч завгүй байсан ч маш ихээр хичээсэн өдөр хоногууд ард өнгөрч би гэдэг хүн хуримны дараагаас эхлээд чихэр жимс, вино пийвээр өөрийгөө зугаацуулсаар 2 долоо хоножээ.


Би нэг тийм буруу идэштэй хүн юм байгаа юм. Би үүндээ өөрөөсөө бусдыг л буруутгана, үнэндээ бол энэ бол миний л буруу л даа. Өглөөний цай барагтай бол уухгүй, ус кофе ганц нэг жимсээр аргалаад, үдийн хоол байвал идээд байхгүй бол санах ч үгүй аа харин оройн хоолондоо тал бяруу идэхээс наагуур юм болно. Бас их махсаг болохоор махгүй хоол идвэл нойр хүрэхгүй, маргааш нь ядраастай гээд юм юм л бий. Үнэндээ энэ бол миний буруу зуршил, үүнийг засахад сэтгэлийн тэнхээ хэрэгтэй гэдгийг мэдээд байгаа мөртлөө л хичээж үл чадах...


Эрүүл мэндийн хувьд саяхан нэг айхтар харшил өгч харшилтай гэдгээ мэдэж авснаас бусдаар хүний урманд олигтойхон ханиад хүрээд өгдөггүй л хүн л дээ. үүндээ бол талархаад баршгүй.
Өөртөө бас их төвөг уддаг байлаа, тамхи их татдаг байлаа, ууж идэх болбол уургын морь шиг байлаа, одоо харин жаахан томоожоод байгаа. Тамхинаас бол бүрэн гарсан гэж бодож итгэж байгаа шүү күүтаа. Хүний дон /тамхи бол дон байлаа/ бол нуугдаад байж л байдаг шигээ, одоо хир нь хааяа тамхины тухай бодол орж ирдэг л юм.


Хөдөлгөөнд харин их дуртай, Монголд байхдаа хаа нэг жиймд явахаас өөр зүйл хийж чаддагүй байсан хэдий ч энд ирснээс хойш гүйж эхлээд хэдэн хугас марафонд, бас бус зайнуудад гүйдэг байлаа. Харин гэмтэл авснаас хойш гүйгээгүй хэсэг болжээ. Миний гүйлтийн партнёр маань маамуулаад ингээд хоюулаа гүйгээгүй 6 сар болжээ. энэ арай хэтэрсэн хэрэг гэж үзээд 6 сарын 3нд гүйх хугасад хоёулаа бүртгүүлсэн. Гүйгээгүй удсан болохоор ойрдоо гүйгээд эхлэхээр ядраад, 2 цаг тоохгүй гүйдэг байсан хүн 30 минут гүйгээд бахардаж унах шахлаа. Гэхдээ одоо гүйгээд л байдаг хэрэг дээ...


Энэ буруу иддэг буруу зуршлаасаа харин яаж гарахаа шийдэж чадахгүй, бас сайн ойлголтгүй яваад байгаад л анхаарал хандуулах хэрэгтэй юм даг уу даа. Энэ талаар жаахан судалгаа хийж уншиж жаахан гэгээрэе, хүмүүст ч бас хэрэгтэй зүйлс байвал тавьж үзье. 3 болон 4 сарыг Зөв идэлтийн сар болгоноо.


Эцэст нь хэлэхэд миний бодлоор идэж уух буруу зуршил бас ганцаардлаас болдог байж магадгүй л юм.


Хичнээн өөрийгөө завгүй байлгах гэж, хообийтой байх гэж чамгүй олон зүйл оролдож байгаа ч ганцаараа ихэвчлэн байдаг хүнд бол яаж ийж байгаад л хийх зүйлгүй мэт цаг зав олдоод байдаг болохоор идэш уушинд бас асуудалтай байгаад байна.


3 сар гарснаас хойш 4 дөх номоо уншиж байна. Эхний 2 трийлэр байсан, 3 дахь түүхэн зохиол байлаа, одоо харин Жаран цагаан хонь болон Miss Burma гээд хоёр номыг зэрэг эхлүүлчихээд яваад байгаа. Би Ногоон нүдэн ламыг эхэлэвүү үгүй юу өдөр шөнөгүй уншаад дор нь дуусгаж байсан хэдий ч энэ хоёр дугаар дэвтэр нь намайг тэгтэл ингэйжэд болохгүй л яваад байгаа.


Одоо орос хэл сурмаар байна. Би саяхан нэг Казахстанд ажлын ярилцлаганд орсон юм, тэгэхдээ л миний орос хэл хичнээн чамлалттай байгааг мэдсэн. Орос хэлээ сайжруулна бас Франц хэл үзмээр байна. Манай хүн надаас яагаад франц хэл гэж асуухад нь би "Хамгийн секси хэл шиг санагддаг, бас Канадаас ажилд орох боломж гарч ирээд франц хэлтэй бол авна гэвэл мэддэг байх хэрэгтэй" л гэдэг юм.
Хэл сурах аргаа бас л олохгүй л яваа хүн дээ. Хүмүүсийн бичсэнийг харахад чармайгаад бай л гэх юм, би дутуу л чармайгаад байна даа..

Ажилдаа орсон өглөө...

Гурвын гурван 7 хоног шархүүгээ өвөртлөөд унтчихсан чинь, өчигдөр явуулчаад гэр ор сэтгэл гурав эзгүйрээд ямар эвгүй байваа...


Хурим найрын явдал цэгцэрч би нь эрхэлж суусаар өдөр хоног харвасан сум шиг өнгөрч бидэн хоёр нь бодит амьдрал руугаа буцаад орж ирэвээ. Өчигдөр өглөө шархүү ажил руугаа явж би нь өнөө өглөө ажилдаа гэлдэрсээр ирэх шив.


Ажил яахав ээ байдгаараа л байж байна, аашны туламнууд, аятайхан найзууд, цаг нь тулсан мэдээ тайлангууд, бөөн бөөн хурал цуглаан л байна. Өглөөнөөс хойш эргэлдэж гүйсээр нэг л мэдэхэд үдээс хойш болчихсон байгааг сая л анзаарлаа. Нэлээн хэдэн өөрчлөлтүүд гарч, нэлээдгүй гэрээт ажилчидыг хасч нэмсэн байна, бас нэгэн нь надад чамайг ирэхээр чинь менежер уулзаж ярилцана гэж байна лээ, хүмүүс чамайг одоо хүний эхнэр болсон юм чинь ажилдаа байх үгүйг мэдэхгүй баахан таамаг дэвшүүлээд байгаа харагдана лээ гэж алтан хошуу өргөвөө.


Айлын эхнэр болоод ажлаасаа гарна гэсэн төлөвлөгөө надад бол байхгүй, үргэлжлүүлж цаашид ажиллана бас хажуугаар нь сурна гээд бөөн завгүй хүн яваад байгаа, аа харин энэ ажил маань надад заах сургах зүйлээ дууссан мэт сэтгэгдэл төрөөд байгаа тул энд нэг их удах шаардлагагүй бас хүсэхгүй байгаагаа мэднэ.


Бидэн хоёр нь сая сууж яг хэн хаана юу төлөвлөөд яваагаа нэгтгэж цаасан дээр буулгав.
Нөхөр магистртаа сууна, би нэг мэргэжил дээшлүүлэх курст сууна гэж төлөвлөсөн юм. Ажил мэргэжилийн хувьд нөхөр маань одоо байгаа газраа тогтвортой ажилламаар байна гэж, би харин зөвлөх компани руу орж бас илүү зүйл сурч мэдмээр байгаагаа дуулгав. Манай нөхөр ч яахав, чи л мэддэг шүү дээ л гэж байна. Үнэндээ, хуримын үеэр ах дүү амраг садан найз нөхөд одоо та хоёр яг яах гэж байна гэж асуухад ер нь бол бүх зүйл надаас шалтгаалаад байгааг мэдсэн. Би л нүүлээ гэвэл нүүгээд л суулаа гэвэл суухаар л айл байна.


Австрали нүүмээр, даанч хэт халуун, усаа үнэлдэг, янзан бүрийн хорхой шавьж нь барьж идчих гээд байдаг болохоор эндээ залхуураад байгаад байгаа юм л даа. Уг нь бол, туйлын хүсэл минь Канадад очиж мэргэжлээрээ ажиллах л даа. Гэхдээ уул уурхай ихтэй ойрхон болохоор нь Австралийг нүдэлчихээд л сууж байна.


Дараагийн 3 сардаа хөдөлгөөнгүй тэрний дараа тэгээд л хөдөлгөөнд ороод ирнэ дээ.


Бүр тэс хөндлөн юм ярихуу. 3 долоо хоног амарчихсан чинь өдрийн дунд оровуу үгүй у нойр хүрээд яг муужирч уналаа...

Шинэ амьдралын шинэ үе рүү урагшаа...

... Baby, I am dancing in the dark with you between my arms
Barefoot on the grass, listening to our favorite song
When you said you looked a mess, I whispered underneath my breath
But you heard it, darling, you look perfect tonight...


Сүүлийн 6 өдрийн турш Ed Sheeran энэ л дууг уянгалуулжь яг одоо мөн л чихийг минь мялааж, надад бас түүнд минь бидний хамгийн дурсгалтай бас хамгийн нүд ирмэхийн зуур өнгөрсөн үлгэрийн өдрийг минь санагдуулна...


Компүүтэрийн үсэгнүүдийг товчлонхон суухад чихэнд чимэгтэй сайхан үгс соносгдох нь "Гэргий, would you like something to drink?" гэх шинэхэн нөхрийн минь үгс.
Сэтгэл зүрх зүгээр л нэгэн юугаар ч сольшгүй тайван бардамналаар дүүрч, би "За ханиа" гэж эрхэллээ.


Өглөө бүрийг сайхан амарсан уу нөхөр минь гэж угтах энэ өдрүүд, өдөр зүгээр л хэн нэгэн танихгүй хүнд миний нөхөр тэгээд гэж хэлэх үед зүрх цохилтоо алгасан инээмсэглэх аж.


Хурим сайхан болсоон. Одоо зурагчидаасаа зургаа хүлээгээд гэрийнхэний утсан дээрээ бичсэн бичлэгнээс уйдаж амжаагүй хөврөх энэ өдрүүдийг юугаар ч солимооргүй.


Юу ч өөрчлөгдөөгүй юм шиг хэрнээ хүний сэтгэл зүрх ямар их амар амгаланг эдэлдэг вэ гэдгийг энэ л өдрүүдэд мэдэрч сууна. Өмнө нь дутагдаж байсан гэдэгээ ч мэдээгүй явсан болохоор гэр бүлийн энэ бүрэн бүтэн байдал бас л зайлшгүй мэдрэх хэрэгтэй зүйл юм аа гэдгийг ойлгож байх шив. Одоо л яагаад гэрлэсэн бүсгүйчүүд нэг тийм цаанаа л бардамхан бас алгуурхан байдгийг мэдэж авлаа. Дүүрэн зүрхтэй хүмүүс тайван байдаг юм байна шүү дээ. Би чинь өмнө нь өөрийгөө дүүрэн зүрхтэй гэж боддог байсан одоо бүрэн дүүрсэн хойно л арай л дутуу байсан даг уу гэж бодлоо.


Амьдрал ямар гайхамшигтай вэ. Амьдрах ямар сайхан бэ.


Birds flying high
You know how I feel
Sun in the sky
You know how I feel
Reeds driftin' on by
You know how I feel
It's a new dawn
It's a new day
It's a new life
For me
And I am feeling good
I am feeling good...