За 4 сар гарчлаа даа. Энэ сарын сүүлээр нэг том гүйлттэй, тэгээд ичээндээ орохоос доо.
Өвөл рүү урсаад бид хэд чинь орой эрт харанхуй болоод гүйж мүйхэд жаахан төвөгтэй болохнээ.
5-7 сарын хугацаанд жаахан хэцүү Бямба Ням гарагуудаар л уртаас урт гүйж бие сэтгэл стрессийнхээ чилээг гаргахгүй бол оройдоо оройтоод өглөө хар эрт ажилдаа гүйгээд чухам зав олддоггүймаа.
Майна найз саяхан надаас яаж гүйж эхлэх вэ гэж асуусан.
Ер нь бол хамгийн энгийн бөгөөд ярвигтай дасгал чинь гүйлт юм байнаа гэдгийг их сайн ойлгож байгаа.
Анх эхлэхдээ 1 км ч гүйж чаддаггүй байлаа даа.
Тэгээд амбийцтай эхэлсээн. 10 сард гүйж эхлээд дараагийн 2 сард хугас марафонд /21,1 км/ гүйхээр бүртгүүлж байлаа. Тэгээд л анх өөрт байсан пүүзээ өмсөөд л урт подоолк урт сагс тоглохдоо өмсдөг тамирын өмдөө өмсөөл далбалзаад гарснаас хойш нэлээн олон хугас марафон, /Англид нэгийг нь гүйсэн/ хэд хэдэн 10 км болн 15 км ийн зайд уралджээ.
Тэгээд хүн чинь дурлаад гүйгээд ирэхээрээ зориулалтын гутал хувцас, цаг апп, зүрхний цохилт хэмждэг цээжний бүс этэр аваап хөгжөөл мөнгө гэдэг урсаал байдаг юм байна.
Зам зууртаа жаахан жаахан гэмтээстэй, үе үе доголоостой ажлынхан сүүлдээ тоохоо больсон байна. Хаа нэг залхуураастай. Заримдаа ч үнэхээр гүйж чадахгүй болтлоо ядарсан үедээ хүртэл сэгсийгээл гараад явах үе ч байдаг гээл.
Туйлын мөрөөдөл минь бүтэн марафонд гүйнээ гэхдээ гүйхдээ Лондон юмуу Парисын эсвэл Нью Йоркын марафонд гүйх мөрөөдөлтэй. Улаанбаатарынхаа марафонд бас очиж орох хүсэлтэй, өдөр судар нь таарвал болох л байх даа.
Бүр аймаар амбийцалсан үедээ Цагаан хэрэмийн марафонд гүйнэ дээ л гэж мөрөөддөг.
No comments:
Post a Comment